shartiya laDka

kaise kaise vahm palte haiñ bashar ke zehn meñ bhī

chand jur.e sher kā ḳhūñ-nosh karnā raat ko maithan se pahle

yā kushāda chāñdnī meñ kaif-e-andoz-e-visāl-e-shauq honā

vaj.h-e-aulād-e-narīna

aur phir buqrāt ne bhī ye kahā thā

mard apne daa.eñ ḳhusiye par jo rassī bāñdh le milne se pahle

us kī aurat shartya laḌkā janegī

lekin is andāz kī harza-sarā.ī

kab kisī ke kaam aa.ī

kaise kaise vahm palte haiñ bashar ke zehn meñ bhī

kaise kaise wahm palte hain bashar ke zehn mein bhi

chand jure sher ka KHun-nosh karna raat ko maithan se pahle

ya kushada chandni mein kaif-e-andoz-e-visal-e-shauq hona

wajh-e-aulad-e-narina

aur phir buqraat ne bhi ye kaha tha

mard apne daen KHusiye par jo rassi bandh le milne se pahle

us ki aurat shartya laDka janegi

lekin is andaz ki harza-sarai

kab kisi ke kaam aai

kaise kaise wahm palte hain bashar ke zehn mein bhi