aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

makan

Kaifi Azmi

makan

Kaifi Azmi

MORE BYKaifi Azmi

    Interesting Fact

    Film: Sone ki Chidiya (1958)

    aaj raat bahut garm havā chaltī hai

    aaj raat na fōtpath pe niiñd aa.egī

    sab uTho, maiñ bhī uThūñ tum bhī uTho, tum bhī uTho

    koī khiḌkī isī dīvār meñ khul jā.egī

    ye zamīñ tab bhī nigal lene pe āmāda thī

    paañv jab TūTtī shāḳhoñ se utāre ham ne

    un makānoñ ko ḳhabar hai na makīnoñ ko ḳhabar

    un dinoñ jo guphāoñ meñ guzāre ham ne

    haath Dhalte ga.e sāñche meñ to thakte kaise

    naqsh ke ba.ad na.e naqsh nikhāre ham ne

    ye dīvār buland, aur buland, aur buland

    baam o dar aur, zarā aur sañvāre ham ne

    āñdhiyāñ toḌ liyā kartī thiiñ sham.oñ laveñ

    jaḌ diye is liye bijlī ke sitāre ham ne

    ban gayā qasr to pahre pe koī baiTh gayā

    so rahe ḳhaak pe ham shorish-e-tāmīr liye

    apnī nas nas meñ liye mehnat-e-paiham thakan

    band āñkhoñ meñ usī qasr tasvīr liye

    din pighaltā hai usī tarah saroñ par ab tak

    raat āñkhoñ meñ khaTaktī hai siyah tiir liye

    aaj raat bahut garm havā chaltī hai

    aaj raat na fōtpath pe niiñd aa.egī

    sab uTho, maiñ bhī uThūñ tum bhī uTho, tum bhī uTho

    koī khiḌkī isī dīvār meñ khul jā.egī

    aaj ki raat bahut garm hawa chalti hai

    aaj ki raat na footpath pe nind aaegi

    sab uTho, main bhi uThun tum bhi uTho, tum bhi uTho

    koi khiDki isi diwar mein khul jaegi

    ye zamin tab bhi nigal lene pe aamada thi

    panw jab TuTti shaKHon se utare hum ne

    un makanon ko KHabar hai na makinon ko KHabar

    un dinon ki jo guphaon mein guzare hum ne

    hath Dhalte gae sanche mein to thakte kaise

    naqsh ke baad nae naqsh nikhaare hum ne

    ki ye diwar buland, aur buland, aur buland

    baam o dar aur, zara aur sanware hum ne

    aandhiyan toD liya karti thin shamon ki lawen

    jaD diye is liye bijli ke sitare hum ne

    ban gaya qasr to pahre pe koi baiTh gaya

    so rahe KHak pe hum shorish-e-tamir liye

    apni nas nas mein liye mehnat-e-paiham ki thakan

    band aankhon mein usi qasr ki taswir liye

    din pighalta hai usi tarah saron par ab tak

    raat aankhon mein khaTakti hai siyah tir liye

    aaj ki raat bahut garm hawa chalti hai

    aaj ki raat na footpath pe nind aaegi

    sab uTho, main bhi uThun tum bhi uTho, tum bhi uTho

    koi khiDki isi diwar mein khul jaegi

    Videos
    This video is playing from YouTube

    Videos
    This video is playing from YouTube

    Kaifi Azmi

    Kaifi Azmi

    RECITATIONS

    Kaifi Azmi

    Kaifi Azmi,

    Nomaan Shauque

    Nomaan Shauque,

    Kaifi Azmi

    Kaifi Azmi,

    Kaifi Azmi

    makan Kaifi Azmi

    Nomaan Shauque

    makan Nomaan Shauque

    Kaifi Azmi

    makan Kaifi Azmi

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now