aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

marsiya-e-dehli-e-marhum

Altaf Hussain Hali

marsiya-e-dehli-e-marhum

Altaf Hussain Hali

MORE BYAltaf Hussain Hali

    tazkira dehli-e-marhūm ai dost na chheḌ

    na sunā jā.egā ham se ye fasānā hargiz

    dāstāñ gul ḳhizāñ meñ na sunā ai bulbul

    hañste hañste hameñ zālim na rulānā hargiz

    DhūñDhtā hai dil-e-shorīda bahāne mutrib

    dard-añgez ġhazal koī na gaanā hargiz

    sohbateñ aglī musavvar hameñ yaad ā.eñgī

    koī dilchasp muraqqa.a na dikhānā hargiz

    le ke daaġh aa.egā siine pe bahut ai sayyāh

    dekh is shahr ke khañDaroñ meñ na jaanā hargiz

    chappa chappa pe haiñ yaañ gauhar-e-yaktā tah-e-ḳhāk

    dafn hogā na kahīñ itnā ḳhazāna hargiz

    miT ga.e tere miTāne ke nishāñ bhī ab to

    ai falak is se zyāda na miTānā hargiz

    vo to bhūle the hameñ ham bhī unheñ bhuul ga.e

    aisā badlā hai na badlegā zamānā hargiz

    jis ko zaḳhmoñ se havādis ke achhūtā samjheñ

    nazar aatā nahīñ ik aisā gharānā hargiz

    ham ko gar ne rulāyā to rulāyā ai charḳh

    ham pe ġhairoñ ko to zālim na hañsānā hargiz

    āḳhirī daur meñ bhī tujh ko qasam hai saaqī

    bhar ke ik jaam na pyāsoñ ko pilānā hargiz

    baḳht so.e haiñ bahut jaag ke ai daur-e-zamāñ

    na abhī niiñd ke mātoñ ko jagānā hargiz

    kabhī ai ilm-o-hunar ghar thā tumhārā dillī

    ham ko bhūle ho to ghar bhuul na jaanā hargiz

    'ġhālib' o 'sheftā' o 'nayyar' o 'āzurdā' o 'zauq'

    ab dikhā.egā na shakloñ ko zamānā hargiz

    'momin' o 'alvī' o 'sahbā.ī' o 'mamnūn' ke ba.ad

    sher naam na legā koī daanā hargiz

    'dāġh' o 'majrūh' ko sun lo ki phir is gulshan meñ

    na sunegā koī bulbul tarānā hargiz

    raat āḳhir huī aur bazm huī zer-o-zabar

    ab na dekhoge kabhī lutf-e-shabāna hargiz

    bazm-e-mātam to nahīñ bazm-e-suḳhan hai 'hālī'

    yaañ munāsib nahīñ ro ro ke rulānā hargiz

    tazkira dehli-e-marhum ka ai dost na chheD

    na suna jaega hum se ye fasana hargiz

    dastan gul ki KHizan mein na suna ai bulbul

    hanste hanste hamein zalim na rulana hargiz

    DhunDhta hai dil-e-shorida bahane mutrib

    dard-angez ghazal koi na gana hargiz

    sohbaten agli musawwar hamein yaad aaengi

    koi dilchasp muraqqa na dikhana hargiz

    le ke dagh aaega sine pe bahut ai sayyah

    dekh is shahr ke khanDaron mein na jaana hargiz

    chappa chappa pe hain yan gauhar-e-yakta tah-e-KHak

    dafn hoga na kahin itna KHazana hargiz

    miT gae tere miTane ke nishan bhi ab to

    ai falak is se zyaada na miTana hargiz

    wo to bhule the hamein hum bhi unhen bhul gae

    aisa badla hai na badlega zamana hargiz

    jis ko zaKHmon se hawadis ke achhuta samjhen

    nazar aata nahin ek aisa gharana hargiz

    hum ko gar tu ne rulaya to rulaya ai charKH

    hum pe ghairon ko to zalim na hansana hargiz

    aaKHiri daur mein bhi tujh ko qasam hai saqi

    bhar ke ek jam na pyason ko pilana hargiz

    baKHt soe hain bahut jag ke ai daur-e-zaman

    na abhi nind ke maton ko jagana hargiz

    kabhi ai ilm-o-hunar ghar tha tumhaara dilli

    hum ko bhule ho to ghar bhul na jaana hargiz

    'ghaalib' o 'shefta' o 'nayyar' o 'azurda' o 'zauq'

    ab dikhaega na shaklon ko zamana hargiz

    'momin' o 'alwi' o 'sahbai' o 'mamnun' ke baad

    sher ka nam na lega koi dana hargiz

    'dagh' o 'majruh' ko sun lo ki phir is gulshan mein

    na sunega koi bulbul ka tarana hargiz

    raat aaKHir hui aur bazm hui zer-o-zabar

    ab na dekhoge kabhi lutf-e-shabana hargiz

    bazm-e-matam to nahin bazm-e-suKHan hai 'haali'

    yan munasib nahin ro ro ke rulana hargiz

    Source:

    intekhab-e-sukhan (Pg. 23)

    • Author: Kitabi Duniya
      • Edition: 2005-2008
      • Publisher: Kitabi Duniya
      • Year of Publication: 2005-2008

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now