shikwa

Allama Iqbal

shikwa

Allama Iqbal

MORE BY Allama Iqbal

    kyuuñ zayāñ-kār banūñ sūd-farāmosh rahūñ

    fikr-e-fardā na karūñ mahv-e-ġham-e-dosh rahūñ

    naale bulbul ke sunūñ aur hama-tan gosh rahūñ

    ham-navā maiñ bhī koī gul huuñ ki ḳhāmosh rahūñ

    jur.at-āmoz mirī tāb-e-suḳhan hai mujh ko

    shikva allāh se ḳhākam-ba-dahan hai mujh ko

    hai bajā sheva-e-taslīm meñ mash.hūr haiñ ham

    qissa-e-dard sunāte haiñ ki majbūr haiñ ham

    saaz ḳhāmosh haiñ fariyād se māmūr haiñ ham

    naala aatā hai agar lab pe to māzūr haiñ ham

    ai ḳhudā shikva-e-arbāb-e-vafā bhī sun le

    ḳhūgar-e-hamd se thoḌā gila bhī sun le

    thī to maujūd azal se tirī zāt-e-qadīm

    phuul thā zeb-e-chaman par na pareshāñ thī shamīm

    shart insāf hai ai sāhib-e-altāf-e-amīm

    bū-e-gul phailtī kis tarah jo hotī na nasīm

    ham ko jam.īyat-e-ḳhātir ye pareshānī thī

    varna ummat tire mahbūb dīvānī thī

    ham se pahle thā ajab tere jahāñ manzar

    kahīñ masjūd the patthar kahīñ mābūd shajar

    ḳhūgar-e-paikar-e-mahsūs thī insāñ nazar

    māntā phir koī an-dekhe ḳhudā ko kyūñkar

    tujh ko mālūm hai letā thā koī naam tirā

    quvvat-e-bāzu-e-muslim ne kiyā kaam tirā

    bas rahe the yahīñ saljūq bhī tūrānī bhī

    ahl-e-chīñ chiin meñ īrān meñ sāsānī bhī

    isī māmūre meñ ābād the yūnānī bhī

    isī duniyā meñ yahūdī bhī the nasrānī bhī

    par tire naam pe talvār uThā.ī kis ne

    baat jo bigḌī huī thī vo banā.ī kis ne

    the hamīñ ek tire mārka-ārāoñ meñ

    ḳhushkiyoñ meñ kabhī laḌte kabhī dariyāoñ meñ

    diiñ azāneñ kabhī europe ke kalīsāoñ meñ

    kabhī africa ke tapte hue sahrāoñ meñ

    shaan āñkhoñ meñ na jachtī thī jahāñ-dāroñ

    kalma paḌhte the hamīñ chhāñv meñ talvāroñ

    ham jo jiite the to jañgoñ musībat ke liye

    aur marte the tire naam azmat ke liye

    thī na kuchh teġhzanī apnī hukūmat ke liye

    sar-ba-kaf phirte the kyā dahr meñ daulat ke liye

    qaum apnī jo zar-o-māl-e-jahāñ par martī

    but-faroshī ke evaz but-shikanī kyuuñ kartī

    Tal na sakte the agar jañg meñ aḌ jaate the

    paañv sheroñ ke bhī maidāñ se ukhaḌ jaate the

    tujh se sarkash huā koī to bigaḌ jaate the

    teġh kyā chiiz hai ham top se laḌ jaate the

    naqsh-e-tauhīd har dil pe biThāyā ham ne

    zer-e-ḳhanjar bhī ye paiġhām sunāyā ham ne

    kah de ki ukhāḌā dar-e-ḳhaibar kis ne

    shahr qaisar jo thā us ko kiyā sar kis ne

    toḌe maḳhlūq ḳhudāvandoñ ke paikar kis ne

    kaaT kar rakh diye kuffār ke lashkar kis ne

    kis ne ThanDā kiyā ātish-kada-e-īrāñ ko

    kis ne phir zinda kiyā tazkira-e-yazdāñ ko

    kaun qaum faqat terī talabgār huī

    aur tere liye zahmat-kash-e-paikār huī

    kis shamshīr jahāñgīr jahāñ-dār huī

    kis takbīr se duniyā tirī bedār huī

    kis haibat se sanam sahme hue rahte the

    muñh ke bal gir ke hū-allahu-ahad kahte the

    aa gayā ain laḌā.ī meñ agar vaqt-e-namāz

    qibla-rū ho ke zamīñ-bos huī qaum-e-hijāz

    ek saf meñ khaḌe ho ga.e mahmūd o ayaaz

    na koī banda rahā aur na koī banda-navāz

    banda o sāhab o mohtāj o ġhanī ek hue

    terī sarkār meñ pahuñche to sabhī ek hue

    mahfil-e-kaun-o-makāñ meñ sahar o shaam phire

    mai-e-tauhīd ko le kar sifat-e-jām phire

    koh meñ dasht meñ le kar tirā paiġhām phire

    aur mālūm hai tujh ko kabhī nākām phire

    dasht to dasht haiñ dariyā bhī na chhoḌe ham ne

    bahr-e-zulmāt meñ dauḌā diye ghoḌe ham ne

    safha-e-dahr se bātil ko miTāyā ham ne

    nau-e-insāñ ko ġhulāmī se chhuḌāyā ham ne

    tere ka.abe ko jabīnoñ se basāyā ham ne

    tere qur.ān ko sīnoñ se lagāyā ham ne

    phir bhī ham se ye gila hai ki vafādār nahīñ

    ham vafādār nahīñ bhī to dildār nahīñ

    ummateñ aur bhī haiñ un meñ gunahgār bhī haiñ

    ijz vaale bhī haiñ mast-e-mai-e-pindār bhī haiñ

    un meñ kāhil bhī haiñ ġhāfil bhī haiñ hushyār bhī haiñ

    saikḌoñ haiñ ki tire naam se be-zār bhī haiñ

    rahmateñ haiñ tirī aġhyār ke kāshānoñ par

    barq girtī hai to bechāre musalmānoñ par

    but sanam-ḳhānoñ meñ kahte haiñ musalmān ga.e

    hai ḳhushī un ko ki ka.abe ke nigahbān ga.e

    manzil-e-dahr se ūñToñ ke hudī-ḳhvān ga.e

    apnī baġhloñ meñ dabā.e hue qur.ān ga.e

    ḳhanda-zan kufr hai ehsās tujhe hai ki nahīñ

    apnī tauhīd kuchh paas tujhe hai ki nahīñ

    ye shikāyat nahīñ haiñ un ke ḳhazāne māmūr

    nahīñ mahfil meñ jinheñ baat bhī karne shu.ūr

    qahr to ye hai ki kāfir ko mileñ huur o qusūr

    aur bechāre musalmāñ ko faqat vāda-e-hūr

    ab vo altāf nahīñ ham pe ināyāt nahīñ

    baat ye kyā hai ki pahlī mudārāt nahīñ

    kyuuñ musalmānoñ meñ hai daulat-e-duniyā nāyāb

    terī qudrat to hai vo jis na had hai na hisāb

    jo chāhe to uThe sīna-e-sahrā se habāb

    rah-rav-e-dasht ho sailī-zada-e-mauj-e-sarāb

    tān-e-aġhyār hai rusvā.ī hai nādārī hai

    kyā tire naam pe marne evaz ḳhvārī hai

    banī aġhyār ab chāhne vaalī duniyā

    rah ga.ī apne liye ek ḳhayālī duniyā

    ham to ruḳhsat hue auroñ ne sambhālī duniyā

    phir na kahnā huī tauhīd se ḳhālī duniyā

    ham to jiite haiñ ki duniyā meñ tirā naam rahe

    kahīñ mumkin hai ki saaqī na rahe jaam rahe

    terī mahfil bhī ga.ī chāhne vaale bhī ga.e

    shab aaheñ bhī ga.iiñ sub.h ke naale bhī ga.e

    dil tujhe de bhī ga.e apnā sila le bhī ga.e

    aa ke baiThe bhī na the aur nikāle bhī ga.e

    aa.e ushshāq ga.e vāda-e-fardā le kar

    ab unheñ DhūñD charāġh-e-ruḳh-e-zebā le kar

    dard-e-lailā bhī vahī qais pahlū bhī vahī

    najd ke dasht o jabal meñ ram-e-āhū bhī vahī

    ishq dil bhī vahī husn jaadū bhī vahī

    ummat-e-ahmad-e-mursil bhī vahī bhī vahī

    phir ye āzurdagi-e-ġhair sabab kyā ma.anī

    apne shaidāoñ pe ye chashm-e-ġhazab kyā ma.anī

    tujh ko chhoḌā ki rasūl-e-arabī ko chhoḌā

    but-garī pesha kiyā but-shikanī ko chhoḌā

    ishq ko ishq āshufta-sarī ko chhoḌā

    rasm-e-salmān o uvais-e-qaranī ko chhoḌā

    aag takbīr sīnoñ meñ dabī rakhte haiñ

    zindagī misl-e-bilāl-e-habashī rakhte haiñ

    ishq ḳhair vo pahlī adā bhī na sahī

    jāda-paimāli-e-taslīm-o-razā bhī na sahī

    muztarib dil sifat-e-qibla-numā bhī na sahī

    aur pābandi-e-ā.īn-e-vafā bhī na sahī

    kabhī ham se kabhī ġhairoñ se shanāsā.ī hai

    baat kahne nahīñ bhī to harjā.ī hai

    sar-e-fārāñ pe kiyā diin ko kāmil ne

    ik ishāre meñ hazāroñ ke liye dil ne

    ātish-andoz kiyā ishq hāsil ne

    phūñk garmi-e-ruḳhsār se mahfil ne

    aaj kyuuñ siine hamāre sharer-ābād nahīñ

    ham vahī soḳhta-sāmāñ haiñ tujhe yaad nahīñ

    vādi-e-najd meñ vo shor-e-salāsil na rahā

    qais dīvāna-e-nazzāra-e-mahmil na rahā

    hausle vo na rahe ham na rahe dil na rahā

    ghar ye ujḌā hai ki raunaq-e-mahfil na rahā

    ai ḳhushā aañ roz ki aa.ī o ba-sad naaz aa.ī

    be-hijābāna sū-e-mahfil-e-mā baaz aa.ī

    bāda-kash ġhair haiñ gulshan meñ lab-e-jū baiThe

    sunte haiñ jām-ba-kaf naġhma-e-kū-kū baiThe

    daur hañgāma-e-gulzār se yaksū baiThe

    tere dīvāne bhī haiñ muntazir-e-hū baiThe

    apne parvānoñ ko phir zauq-e-ḳhud-afrozī de

    barq-e-derīna ko farmān-e-jigar-sozī de

    qaum-e-āvāra ināñ-tāb hai phir sū-e-hijāz

    le uḌā bulbul-e-be-par ko mazāq-e-parvāz

    muztarib-e-bāġh ke har ġhunche meñ hai bū-e-niyāz

    zarā chheḌ to de tishna-e-mizrāb hai saaz

    naġhme betāb haiñ tāroñ se nikalne ke liye

    tuur muztar hai usī aag meñ jalne ke liye

    mushkileñ ummat-e-marhūm āsāñ kar de

    mor-e-be-māya ko ham-dosh-e-sulaimāñ kar de

    jins-e-nā-yāb-e-mohabbat ko phir arzāñ kar de

    hind ke dair-nashīnoñ ko musalmāñ kar de

    jū-e-ḳhūñ chakad az hasrat-e-dairīna-e-mā

    tapad naala ba-nishtar kada-e-sīna-e-mā

    bū-e-gul le ga.ī bairūn-e-chaman rāz-e-chaman

    kyā qayāmat hai ki ḳhud phuul haiñ ġhammāz-e-chaman

    ahd-e-gul ḳhatm huā TuuT gayā sāz-e-chaman

    uḌ ga.e Dāliyoñ se zamzama-pardāz-e-chaman

    ek bulbul hai ki mahv-e-tarannum ab tak

    us ke siine meñ hai naġhmoñ talātum ab tak

    qumriyāñ shāḳh-e-sanobar se gurezāñ bhī huiiñ

    pattiyāñ phuul jhaḌ jhaḌ ke pareshāñ bhī huiiñ

    vo purānī ravisheñ baaġh vīrāñ bhī huiiñ

    Dāliyāñ pairahan-e-barg se uryāñ bhī huiiñ

    qaid-e-mausam se tabī.at rahī āzād us

    kaash gulshan meñ samajhtā koī fariyād us

    lutf marne meñ hai baaqī na maza jiine meñ

    kuchh maza hai to yahī ḳhūn-e-jigar piine meñ

    kitne betāb haiñ jauhar mire ā.īne meñ

    kis qadar jalve taḌapte haiñ mire siine meñ

    is gulistāñ meñ magar dekhne vaale nahīñ

    daaġh jo siine meñ rakhte hoñ vo laale nahīñ

    chaak is bulbul-e-tanhā navā se dil hoñ

    jāgne vaale isī bāñg-e-dirā se dil hoñ

    yaanī phir zinda na.e ahd-e-vafā se dil hoñ

    phir isī bāda-e-dairīna ke pyāse dil hoñ

    ajamī ḳhum hai to kyā mai to hijāzī hai mirī

    naġhma hindī hai to kyā lai to hijāzī hai mirī

    kyun zayan-kar banun sud-faramosh rahun

    fikr-e-farda na karun mahw-e-gham-e-dosh rahun

    nale bulbul ke sunun aur hama-tan gosh rahun

    ham-nawa main bhi koi gul hun ki KHamosh rahun

    jurat-amoz meri tab-e-suKHan hai mujh ko

    shikwa allah se KHakam-ba-dahan hai mujh ko

    hai baja shewa-e-taslim mein mashhur hain hum

    qissa-e-dard sunate hain ki majbur hain hum

    saz KHamosh hain fariyaad se mamur hain hum

    nala aata hai agar lab pe to mazur hain hum

    ai KHuda shikwa-e-arbab-e-wafa bhi sun le

    KHugar-e-hamd se thoDa sa gila bhi sun le

    thi to maujud azal se hi teri zat-e-qadim

    phul tha zeb-e-chaman par na pareshan thi shamim

    shart insaf hai ai sahib-e-altaf-e-amim

    bu-e-gul phailti kis tarah jo hoti na nasim

    hum ko jamiyat-e-KHatir ye pareshani thi

    warna ummat tere mahbub ki diwani thi

    hum se pahle tha ajab tere jahan ka manzar

    kahin masjud the patthar kahin mabud shajar

    KHugar-e-paikar-e-mahsus thi insan ki nazar

    manta phir koi an-dekhe KHuda ko kyunkar

    tujh ko malum hai leta tha koi nam tera

    quwwat-e-bazu-e-muslim ne kiya kaam tera

    bas rahe the yahin saljuq bhi turani bhi

    ahl-e-chin chin mein iran mein sasani bhi

    isi mamure mein aabaad the yunani bhi

    isi duniya mein yahudi bhi the nasrani bhi

    par tere nam pe talwar uThai kis ne

    baat jo bigDi hui thi wo banai kis ne

    the hamin ek tere marka-araon mein

    KHushkiyon mein kabhi laDte kabhi dariyaon mein

    din azanen kabhi europe ke kalisaon mein

    kabhi africa ke tapte hue sahraon mein

    shan aankhon mein na jachti thi jahan-daron ki

    kalma paDhte the hamin chhanw mein talwaron ki

    hum jo jite the to jangon ki musibat ke liye

    aur marte the tere nam ki azmat ke liye

    thi na kuchh teghzani apni hukumat ke liye

    sar-ba-kaf phirte the kya dahr mein daulat ke liye

    qaum apni jo zar-o-mal-e-jahan par marti

    but-faroshi ke ewaz but-shikani kyun karti

    Tal na sakte the agar jang mein aD jate the

    panw sheron ke bhi maidan se ukhaD jate the

    tujh se sarkash hua koi to bigaD jate the

    tegh kya chiz hai hum top se laD jate the

    naqsh-e-tauhid ka har dil pe biThaya hum ne

    zer-e-KHanjar bhi ye paigham sunaya hum ne

    tu hi kah de ki ukhaDa dar-e-KHaibar kis ne

    shahr qaisar ka jo tha us ko kiya sar kis ne

    toDe maKHluq KHudawandon ke paikar kis ne

    kaT kar rakh diye kuffar ke lashkar kis ne

    kis ne ThanDa kiya aatish-kada-e-iran ko

    kis ne phir zinda kiya tazkira-e-yazdan ko

    kaun si qaum faqat teri talabgar hui

    aur tere liye zahmat-kash-e-paikar hui

    kis ki shamshir jahangir jahan-dar hui

    kis ki takbir se duniya teri bedar hui

    kis ki haibat se sanam sahme hue rahte the

    munh ke bal gir ke hu-allahu-ahad kahte the

    aa gaya ain laDai mein agar waqt-e-namaz

    qibla-ru ho ke zamin-bos hui qaum-e-hijaz

    ek hi saf mein khaDe ho gae mahmud o ayaz

    na koi banda raha aur na koi banda-nawaz

    banda o sahab o mohtaj o ghani ek hue

    teri sarkar mein pahunche to sabhi ek hue

    mahfil-e-kaun-o-makan mein sahar o sham phire

    mai-e-tauhid ko le kar sifat-e-jam phire

    koh mein dasht mein le kar tera paigham phire

    aur malum hai tujh ko kabhi nakaam phire

    dasht to dasht hain dariya bhi na chhoDe hum ne

    bahr-e-zulmat mein dauDa diye ghoDe hum ne

    safha-e-dahr se baatil ko miTaya hum ne

    nau-e-insan ko ghulami se chhuDaya hum ne

    tere kabe ko jabinon se basaya hum ne

    tere quran ko sinon se lagaya hum ne

    phir bhi hum se ye gila hai ki wafadar nahin

    hum wafadar nahin tu bhi to dildar nahin

    ummaten aur bhi hain un mein gunahgar bhi hain

    ijz wale bhi hain mast-e-mai-e-pindar bhi hain

    un mein kahil bhi hain ghafil bhi hain hushyar bhi hain

    saikDon hain ki tere nam se be-zar bhi hain

    rahmaten hain teri aghyar ke kashanon par

    barq girti hai to bechaare musalmanon par

    but sanam-KHanon mein kahte hain musalman gae

    hai KHushi un ko ki kabe ke nigahban gae

    manzil-e-dahr se unTon ke hudi-KHwan gae

    apni baghlon mein dabae hue quran gae

    KHanda-zan kufr hai ehsas tujhe hai ki nahin

    apni tauhid ka kuchh pas tujhe hai ki nahin

    ye shikayat nahin hain un ke KHazane mamur

    nahin mahfil mein jinhen baat bhi karne ka shuur

    qahr to ye hai ki kafir ko milen hur o qusur

    aur bechaare musalman ko faqat wada-e-hur

    ab wo altaf nahin hum pe inayat nahin

    baat ye kya hai ki pahli si mudaraat nahin

    kyun musalmanon mein hai daulat-e-duniya nayab

    teri qudrat to hai wo jis ki na had hai na hisab

    tu jo chahe to uThe sina-e-sahra se habab

    rah-raw-e-dasht ho saili-zada-e-mauj-e-sarab

    tan-e-aghyar hai ruswai hai nadari hai

    kya tere nam pe marne ka ewaz KHwari hai

    bani aghyar ki ab chahne wali duniya

    rah gai apne liye ek KHayali duniya

    hum to ruKHsat hue auron ne sambhaali duniya

    phir na kahna hui tauhid se KHali duniya

    hum to jite hain ki duniya mein tera nam rahe

    kahin mumkin hai ki saqi na rahe jam rahe

    teri mahfil bhi gai chahne wale bhi gae

    shab ki aahen bhi gain subh ke nale bhi gae

    dil tujhe de bhi gae apna sila le bhi gae

    aa ke baiThe bhi na the aur nikale bhi gae

    aae ushshaq gae wada-e-farda le kar

    ab unhen DhunD charagh-e-ruKH-e-zeba le kar

    dard-e-laila bhi wahi qais ka pahlu bhi wahi

    najd ke dasht o jabal mein ram-e-ahu bhi wahi

    ishq ka dil bhi wahi husn ka jadu bhi wahi

    ummat-e-ahmad-e-mursil bhi wahi tu bhi wahi

    phir ye aazurdagi-e-ghair sabab kya mani

    apne shaidaon pe ye chashm-e-ghazab kya mani

    tujh ko chhoDa ki rasul-e-arabi ko chhoDa

    but-gari pesha kiya but-shikani ko chhoDa

    ishq ko ishq ki aashufta-sari ko chhoDa

    rasm-e-salman o uwais-e-qarani ko chhoDa

    aag takbir ki sinon mein dabi rakhte hain

    zindagi misl-e-bilal-e-habashi rakhte hain

    ishq ki KHair wo pahli si ada bhi na sahi

    jada-paimali-e-taslim-o-raza bhi na sahi

    muztarib dil sifat-e-qibla-numa bhi na sahi

    aur pabandi-e-ain-e-wafa bhi na sahi

    kabhi hum se kabhi ghairon se shanasai hai

    baat kahne ki nahin tu bhi to harjai hai

    sar-e-faran pe kiya din ko kaamil tu ne

    ek ishaare mein hazaron ke liye dil tu ne

    aatish-andoz kiya ishq ka hasil tu ne

    phunk di garmi-e-ruKHsar se mahfil tu ne

    aaj kyun sine hamare sharer-abaad nahin

    hum wahi soKHta-saman hain tujhe yaad nahin

    wadi-e-najd mein wo shor-e-salasil na raha

    qais diwana-e-nazzara-e-mahmil na raha

    hausle wo na rahe hum na rahe dil na raha

    ghar ye ujDa hai ki tu raunaq-e-mahfil na raha

    ai KHusha aan roz ki aai o ba-sad naz aai

    be-hijabana su-e-mahfil-e-ma baz aai

    baada-kash ghair hain gulshan mein lab-e-ju baiThe

    sunte hain jam-ba-kaf naghma-e-ku-ku baiThe

    daur hangama-e-gulzar se yaksu baiThe

    tere diwane bhi hain muntazir-e-hu baiThe

    apne parwanon ko phir zauq-e-KHud-afrozi de

    barq-e-derina ko farman-e-jigar-sozi de

    qaum-e-awara inan-tab hai phir su-e-hijaz

    le uDa bulbul-e-be-par ko mazaq-e-parwaz

    muztarib-e-bagh ke har ghunche mein hai bu-e-niyaz

    tu zara chheD to de tishna-e-mizrab hai saz

    naghme betab hain taron se nikalne ke liye

    tur muztar hai usi aag mein jalne ke liye

    mushkilen ummat-e-marhum ki aasan kar de

    mor-e-be-maya ko ham-dosh-e-sulaiman kar de

    jins-e-na-yab-e-mohabbat ko phir arzan kar de

    hind ke dair-nashinon ko musalman kar de

    ju-e-KHun mi chakad az hasrat-e-dairina-e-ma

    mi tapad nala ba-nishtar kada-e-sina-e-ma

    bu-e-gul le gai bairun-e-chaman raaz-e-chaman

    kya qayamat hai ki KHud phul hain ghammaz-e-chaman

    ahd-e-gul KHatm hua TuT gaya saz-e-chaman

    uD gae Daliyon se zamzama-pardaz-e-chaman

    ek bulbul hai ki mahw-e-tarannum ab tak

    us ke sine mein hai naghmon ka talatum ab tak

    qumriyan shaKH-e-sanobar se gurezan bhi huin

    pattiyan phul ki jhaD jhaD ke pareshan bhi huin

    wo purani rawishen bagh ki viran bhi huin

    Daliyan pairahan-e-barg se uryan bhi huin

    qaid-e-mausam se tabiat rahi aazad us ki

    kash gulshan mein samajhta koi fariyaad us ki

    lutf marne mein hai baqi na maza jine mein

    kuchh maza hai to yahi KHun-e-jigar pine mein

    kitne betab hain jauhar mere aaine mein

    kis qadar jalwe taDapte hain mere sine mein

    is gulistan mein magar dekhne wale hi nahin

    dagh jo sine mein rakhte hon wo lale hi nahin

    chaak is bulbul-e-tanha ki nawa se dil hon

    jagne wale isi bang-e-dira se dil hon

    yani phir zinda nae ahd-e-wafa se dil hon

    phir isi baada-e-dairina ke pyase dil hon

    ajami KHum hai to kya mai to hijazi hai meri

    naghma hindi hai to kya lai to hijazi hai meri

    Videos

    Videos

    Zulfiqar Ali Bukhari

    Zulfiqar Ali Bukhari

    Nusrat Fateh Ali Khan

    Nusrat Fateh Ali Khan

    Sabri brothers

    Sabri brothers

    Nusrat Fateh Ali Khan

    Nusrat Fateh Ali Khan

    Nusrat Fateh Ali Khan

    Nusrat Fateh Ali Khan

    Zia Mohyeddin

    Zia Mohyeddin

    Nusrat Fateh Ali Khan

    Nusrat Fateh Ali Khan

    Nusrat Fateh Ali Khan

    Nusrat Fateh Ali Khan

    Nusrat Fateh Ali Khan

    Nusrat Fateh Ali Khan

    RECITATIONS

    Nomaan Shauque

    Nomaan Shauque

    Nomaan Shauque

    shikwa Nomaan Shauque

    0
    COMMENT
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Favorite added successfully

    Favorite removed successfully