shikwa

shab-e-vasl kyoñ haiñ rulāne kī bāteñ

karo kuchh to hañsne hañsāne kī bāteñ

dil-e-nā-tavāñ ko manāne kī bāteñ

nahīñ haiñ nahīñ haath aane kī bāteñ

munāsib hai kuchh intizām-e-masarrat

pilāo pilāo sharāb-e-mohabbat

tumhī kah do kuchh had hai zulm-o-jafā kī

vafā kī tarah saarī duniyā hai shākī

kabhī ye adā kī kabhī vo adā kī

rahī shakl abtar dil-e-mubtalā kī

nahīñ haiñ nahīñ haiñ mohabbat kī bāteñ

haqīqat meñ ye haiñ adāvat kī bāteñ

shab-e-wasl kyon hain rulane ki baaten

karo kuchh to hansne hansane ki baaten

dil-e-na-tawan ko manane ki baaten

nahin hain nahin hath aane ki baaten

munasib hai kuchh intizam-e-masarrat

pilao pilao sharab-e-mohabbat

tumhi kah do kuchh had hai zulm-o-jafa ki

wafa ki tarah sari duniya hai shaki

kabhi ye ada ki kabhi wo ada ki

rahi shakl abtar dil-e-mubtala ki

nahin hain nahin hain mohabbat ki baaten

haqiqat mein ye hain adawat ki baaten