shimla

hasīn jalve butoñ ke kahāñ kahāñ na mile

yahāñ mile jo kahīñ zer-e-āsmāñ na mile

hujūm-e-shimla meñ āñkheñ taras ga.iiñ sāhab

mujhe talāsh hai jin kī vo mehrbāñ na mile

bas ek ājiz-e-ḳhasta hai muġhtanim varna

suḳhan-shanās suḳhan-dost ham-zabāñ na mile

ye kohsār ye ashjār ye chaman ye bahār

maiñ vo parinda jise shāḳh-e-āshiyāñ na mile

sazā mile kisī bad-zauq ko to baat bhī hai

sitam to ye hai ki shā.ir ko bhī makāñ na mile

ba-nām 'arsh' bulandī kā mudda.ī huuñ maiñ

durust hai ki zamīñ par mujhe amaañ na mile

hasin jalwe buton ke kahan kahan na mile

yahan mile jo kahin zer-e-asman na mile

hujum-e-shimla mein aankhen taras gain sahab

mujhe talash hai jin ki wo mehrban na mile

bas ek aajiz-e-KHasta hai mughtanim warna

suKHan-shanas suKHan-dost ham-zaban na mile

ye kohsar ye ashjar ye chaman ye bahaar

main wo parinda jise shaKH-e-ashiyan na mile

saza mile kisi bad-zauq ko to baat bhi hai

sitam to ye hai ki shair ko bhi makan na mile

ba-nam 'arsh' bulandi ka muddai hun main

durust hai ki zamin par mujhe aman na mile