shorish-e-zanjir bismillah

huī phir imtihān-e-ishq kī tadbīr bismillāh

har ik jānib machā kuhrām-e-dār-o-gīr bismillāh

galī-kūchoñ meñ bikhrī shorish-e-zanjīr bismillāh

dar-e-zindāñ pe bulvā.e ga.e phir se junūñ vaale

darīda dāmanoñ vaale pareshāñ gesuoñ vaale

jahāñ meñ dard-e-dil kī phir huī tauqīr bismillāh

huī phir imtihān-e-ishq kī tadbīr bismillāh

gino sab daaġh dil ke hasrateñ shauqeñ nigāhoñ kī

sar-e-dariyā parastish ho rahī hai phir gunāhoñ kī

karo yaaro shumār-e-nāla-e-shab-gīr bismillāh

sitam kī dāstāñ kushta diloñ kā mājrā kahiye

jo zer-e-lab na kahte the vo sab kuchh barmalā kahiye

musir hai mohtasib rāz-e-shahīdān-e-vafā kahiye

lagī hai harf-e-nā-gufta pe ab ta.azīr allāh

sar-e-maqtal chalo be-zahmat-e-taqsīr bismillāh

huī phir imtihān-e-ishq kī tadbīr bismillāh

hui phir imtihan-e-ishq ki tadbir bismillah

har ek jaanib macha kuhram-e-dar-o-gir bismillah

gali-kuchon mein bikhri shorish-e-zanjir bismillah

dar-e-zindan pe bulwae gae phir se junun wale

darida damanon wale pareshan gesuon wale

jahan mein dard-e-dil ki phir hui tauqir bismillah

hui phir imtihan-e-ishq ki tadbir bismillah

gino sab dagh dil ke hasraten shauqen nigahon ki

sar-e-dariya parastish ho rahi hai phir gunahon ki

karo yaro shumar-e-nala-e-shab-gir bismillah

sitam ki dastan kushta dilon ka majra kahiye

jo zer-e-lab na kahte the wo sab kuchh barmala kahiye

musir hai mohtasib raaz-e-shahidan-e-wafa kahiye

lagi hai harf-e-na-gufta pe ab tazir allah

sar-e-maqtal chalo be-zahmat-e-taqsir bismillah

hui phir imtihan-e-ishq ki tadbir bismillah