shri guru-nanak

rāz-e-qudrat ke ḳhabar-dār gurū-nānak the

vāqif-e-ālam-e-asrār gurū-nānak the

nasha-e-husn-e-haqīqī se the madhosh-e-azal

bāda-e-nāb se sarshār gurū-nānak the

kyuuñ mahak uThtā na ḳhushbū se dimāġh-e-ālam

nighat-e-gulshan-e-isrār gurū-nānak the

zikr-e-ma.abūd-e-haqīqī meñ zabān se 'shātir'

sāya-e-rahmat-e-ġhaffār gurū-nānak the

raaz-e-qudrat ke KHabar-dar guru-nanak the

waqif-e-alam-e-asrar guru-nanak the

nasha-e-husn-e-haqiqi se the madhosh-e-azal

baada-e-nab se sarshaar guru-nanak the

kyun mahak uThta na KHushbu se dimagh-e-alam

nighat-e-gulshan-e-israr guru-nanak the

zikr-e-mabud-e-haqiqi mein zaban se 'shatir'

saya-e-rahmat-e-ghaffar guru-nanak the