shri lal bahadur shastari wazir-e-azam hind

ai bahādur-lāl ai bhārat supūt

tū thā amn-o-āshtī kā pāsdār

amn kī ḳhātir gayā thā tāshqand

tū ne kar dī jaan bhī us par nisār

amn-o-sul.h-o-jañg meñ yaktā thā tū

bhārtī tahzīb kā ā.īna-dār

paikar-e-ijz-o-ḳhulūs-o-sādgī

tū thā tahzīb-o-tamaddun kā nikhār

tū ne yak-jihatī atā kī qaum ko

ektā kā daan bhārat ko diyā

sar huā ūñchā hamārā har jagah

tū ne vo sammān bhārat ko diyā

azm terā āhanī dīvār thā

salmiyat mulk kī thī terī jaan

shān-e-mulk-o-qaum thī pesh-e-nazar

tujh ko apnī jaan se baḌh kar thī aan

ho ga.ī gul sham.a de kar raushnī

tāqateñ amn-o-amāñ kī DaT ga.iiñ

zindagī ke saath vābasta hai maut

ye haqīqat hai magar kitnī ajiib

ham ko ye ehsās hotā hī nahīñ

zindagī se maut hai utnī qarīb

zulmat-e-shab se sahar kī dilkashī

yaas se ummīd kā raushan hai naam

maut ke roke bhī ruk saktā nahīñ

zindagī kā kārvāñ tez-gām

hind hai is qāfile kā rahnumā

kārvāñ-sālār mīr-e-kārvāñ

amn-e-ālam kā alam-bardār hai

amn-parvar sulh-jū hindostāñ

ai bahadur-lal ai bhaarat suput

tu tha amn-o-ashti ka pasdar

amn ki KHatir gaya tha tashqand

tu ne kar di jaan bhi us par nisar

amn-o-sulh-o-jang mein yakta tha tu

bhaarti tahzib ka aaina-dar

paikar-e-ijz-o-KHulus-o-sadgi

tu tha tahzib-o-tamaddun ka nikhaar

tu ne yak-jihati ata ki qaum ko

ekta ka dan bhaarat ko diya

sar hua uncha hamara har jagah

tu ne wo samman bhaarat ko diya

azm tera aahani diwar tha

salmiyat mulk ki thi teri jaan

shan-e-mulk-o-qaum thi pesh-e-nazar

tujh ko apni jaan se baDh kar thi aan

ho gai gul shama de kar raushni

taqaten amn-o-aman ki DaT gain

zindagi ke sath wabasta hai maut

ye haqiqat hai magar kitni ajib

hum ko ye ehsas hota hi nahin

zindagi se maut hai utni qarib

zulmat-e-shab se sahar ki dilkashi

yas se ummid ka raushan hai nam

maut ke roke bhi ruk sakta nahin

zindagi ka karwan tez-gam

hind hai is qafile ka rahnuma

karwan-salar mir-e-karwan

amn-e-alam ka alam-bardar hai

amn-parwar sulh-ju hindostan