waba ke dinon mein mohabbat

vabā ke dinoñ meñ mohabbat salīqa-shi.ārī sikhātī hai

bātoñ meñ ik tāzgī kī ghulāvaT

hañsī meñ chhupā ijtimā.ī ta.assuf dikhātī hai

ham baat karne ke mauzūa poroñ pe ginte haiñ

chehroñ pe phaile hue mask ham kam-numāoñ meñ ḳhud-e'timādī baḌhāte haiñ

ham apne hāthoñ pe dastāne khīñche kisī lams kī yaad meñ tamtamāte haiñ

bistar kī garmī se lipTe hue ḳhud ko mahfūz kahte haiñ

ḳhvāboñ kī vaccine se dil tasallī kā sāmān karte hue

ik mohabbat ke donoñ kināre milāte haiñ

lekin bahalte nahīñ haiñ

vabā ke dinoñ meñ ham apne gharoñ se nikalte nahīñ haiñ

waba ke dinon mein mohabbat saliqa-shiari sikhati hai

baaton mein ek tazgi ki ghulawaT

hansi mein chhupa ijtimai tassuf dikhati hai

hum baat karne ke mauzua poron pe ginte hain

chehron pe phaile hue mask hum kam-numaon mein KHud-e'timadi baDhate hain

hum apne hathon pe dastane khinche kisi lams ki yaad mein tamtamate hain

bistar ki garmi se lipTe hue KHud ko mahfuz kahte hain

KHwabon ki waccine se dil tasalli ka saman karte hue

ek mohabbat ke donon kinare milate hain

lekin bahalte nahin hain

waba ke dinon mein hum apne gharon se nikalte nahin hain