subh-e-bahaar

murġhān-e-ḳhush-navā ne

sūraj ko jab jagāyā

utrī kiran zamīñ par

dauḌī lahū meñ garmī

uḌne lage parinde

titlī guloñ pe baiThī

rangat churā rahī hai

shāyad paroñ ko apne

shāyad paroñ ko apne

rangīñ banā rahī hai

nāzuk sī Dāliyoñ par

ġhunche khilā rahī hai

karne lagī chaman meñ

bulbul ġhazal-sarā.ī

shab kā sukūt TuuTā

sub.h-e-bahār aa.ī

bachche zahīn haiñ jo

schōl jā rahe haiñ

qaum-o-vatan kī goyā

qismat banā rahe haiñ

murghan-e-KHush-nawa ne

suraj ko jab jagaya

utri kiran zamin par

dauDi lahu mein garmi

uDne lage parinde

titli gulon pe baiThi

rangat chura rahi hai

shayad paron ko apne

shayad paron ko apne

rangin bana rahi hai

nazuk si Daliyon par

ghunche khila rahi hai

karne lagi chaman mein

bulbul ghazal-sarai

shab ka sukut TuTa

subh-e-bahaar aai

bachche zahin hain jo

school ja rahe hain

qaum-o-watan ki goya

qismat bana rahe hain