subh-e-chaman

ye vaqt-e-sub.h ye samāñ

ye dīda-zeb gulistāñ

ye dil-fareb kiyāriyāñ

tuyūr ke ye chahchahe

ye dil-lagī ye qahqahe

ye mālneñ ye bāġhbāñ

bahār-e-jannat-nazar

tarab-fazā hai kis qadar

daraḳht haiñ idhar udhar

ajab fazā-e-nūr hai

surūr hī surūr hai

nahīñ hai kaun shādmāñ

zamīñ se tā-ba-āsmāñ

jamāl-e-dost zau-fishāñ

mile jo chashm-ārifāñ

chale mirī zabān-e-dil

banūñ meñ tarjumān-e-dil

sunā.ūñ rāz-e-qudsiyāñ

fazā bahār-ḳhez hai

havā surūr-bez hai

chaman mujhe aziiz hai

nisār dil bahār par

nigāh-e-marġh-zār par

ye kaif-e-dil ye bostāñ

nazzāra-bāz haiñ kahāñ

dikhā rahā hai āsmāñ

nazar-faroz surḳhiyāñ

zuhūr nuur se ḳhajil

raheñge sirf kor-dil

karūñgā maiñ to mastiyāñ

ḳhayāl bāda-rez hai

ye baada kaif-ḳhez hai

chaman bhī ḳhaas chiiz hai

girah-kushā-e-shauq-e-dil

asar-fazā-e-zauq-e-dil

ye vaqt-e-sub.h ye samāñ

ye waqt-e-subh ye saman

ye dida-zeb gulistan

ye dil-fareb kiyariyan

tuyur ke ye chahchahe

ye dil-lagi ye qahqahe

ye malnen ye baghban

bahaar-e-jannat-nazar

tarab-faza hai kis qadar

daraKHt hain idhar udhar

ajab faza-e-nur hai

surur hi surur hai

nahin hai kaun shadman

zamin se ta-ba-asman

jamal-e-dost zau-fishan

mile jo chashm-arifan

chale meri zaban-e-dil

banun mein tarjuman-e-dil

sunaun raaz-e-qudsiyan

faza bahaar-KHez hai

hawa surur-bez hai

chaman mujhe aziz hai

nisar dil bahaar par

nigah-e-margh-zar par

ye kaif-e-dil ye bostan

nazzara-baz hain kahan

dikha raha hai aasman

nazar-faroz surKHiyan

zuhur nur se KHajil

rahenge sirf kor-dil

karunga main to mastiyan

KHayal baada-rez hai

ye baada kaif-KHez hai

chaman bhi KHas chiz hai

girah-kusha-e-shauq-e-dil

asar-faza-e-zauq-e-dil

ye waqt-e-subh ye saman