subh ke do manzar

motiyā se khile hue bachche

paak ma.asūm narm chehroñ par

sub.h kī tāzgī kā nuur liye

laal piile sajīle bastoñ meñ

apnī maaoñ kā pyaar baap ke ḳhvāb

roz schōl le ke jaate haiñ

sub.h hotī hai pheñk detā hai

zard mailā thakā thakā sūraj

paak ma.asūm narm chehroñ par

rozī roTī kī ehtiyāj kī dhuul

sub.h hotī hai kachchī bastī meñ

roz kī tarah jaag uThte haiñ

nanhe mazdūr bhole saudāgar

phuul se hāthoñ vaale kārī-gar

kār-ḳhānoñ meñ shāh-rāhoñ par

tañg galiyoñ meñ chā.e-ḳhānoñ meñ apnī qismat jagāne jaate haiñ

motiya se khile hue bachche

pak masum narm chehron par

subh ki tazgi ka nur liye

lal pile sajile baston mein

apni maon ka pyar bap ke KHwab

roz school le ke jate hain

subh hoti hai phenk deta hai

zard maila thaka thaka suraj

pak masum narm chehron par

rozi roTi ki ehtiyaj ki dhul

subh hoti hai kachchi basti mein

roz ki tarah jag uThte hain

nanhe mazdur bhole saudagar

phul se hathon wale kari-gar

kar-KHanon mein shah-rahon par

tang galiyon mein chae-KHanon mein apni qismat jagane jate hain