suhag ki mehndi

raqs-e-mīnā surūd-e-jām-o-subū

bahkī bahkī bahār kī ḳhushbū

kheltī zulmatoñ ke siine meñ

marmarīñ raat ke safīne meñ

jānib-e-sāhil-e-hayāt ravāñ

hasratoñ kī javān añgḌā.ī

muskurātī sī kā.enāt-e-ravāñ

shoḳhiyāñ mā.il-e-tabassum sī

aur nabzeñ yaqīn kī gum sī

sub.h-e-ḳhandāñ bahār ra.anā.ī

ārzuoñ kī jhurmuToñ meñ hai

jānib-e-sāhil-e-hayāt-e-ravāñ

terī yādoñ ke ābgīne meñ

hai mirī talḳh-kāmiyoñ kā lahū

lag rahī hai suhāg kī mehñdī

ye samāñ aur aañkh meñ aañsū

merī majbūriyoñ pe ġhaur to kar

vaqt-e-ruḳhsat malāl-e-lā-hāsil

ab ye dost savāl-e-lā-hāsil

tū mirī zindagī kī bhiik na maañg

hai mirī talḳh-kāmiyoñ kā lahū

terī yādoñ ke ābgīne meñ

do diloñ kā milāp hotā hai

kheltī zulmatoñ ke siine meñ

zindagī maut ke safīne meñ

kaif-o-mastī ke jhurmuToñ meñ hai

jānib-e-sāhil-e-hayāt-e-ravāñ

raqs-e-mina surud-e-jam-o-subu

bahki bahki bahaar ki KHushbu

khelti zulmaton ke sine mein

marmarin raat ke safine mein

jaanib-e-sahil-e-hayat rawan

hasraton ki jawan angDai

muskuraati si kaenat-e-rawan

shoKHiyan mail-e-tabassum si

aur nabzen yaqin ki gum si

subh-e-KHandan bahaar ranai

aarzuon ki jhurmuTon mein hai

jaanib-e-sahil-e-hayat-e-rawan

teri yaadon ke aabgine mein

hai meri talKH-kaamiyon ka lahu

lag rahi hai suhag ki mehndi

ye saman aur aankh mein aansu

meri majburiyon pe ghaur to kar

waqt-e-ruKHsat malal-e-la-hasil

ab ye dost sawal-e-la-hasil

tu meri zindagi ki bhik na mang

hai meri talKH-kaamiyon ka lahu

teri yaadon ke aabgine mein

do dilon ka milap hota hai

khelti zulmaton ke sine mein

zindagi maut ke safine mein

kaif-o-masti ke jhurmuTon mein hai

jaanib-e-sahil-e-hayat-e-rawan