sukun

aaj yakāyak

jab maiñ ne terā

tazkira kiyā

achānak chauñk sā gayā

phir

ḳhāmosh ho gayā

maazī kī saarī bāteñ

yaad aane lagīñ

terā muskurānā

terā sharmānā

na kisī baat kā

gila na shikva

sādgī sādgī

aur

be-intihā pyaar

phir achānak

mujh se bichhaḌ jaanā

terī jhukī jhukī nigāheñ

aaj bhī

jaise mujh se kuchh kahtī haiñ

magar zabān ḳhāmosh hai

goyā

terā pyaar mere liye

sard ho gayā

lekin aaj bhī

terā ḳhayāl

achchhā lagtā hai

shāyad

yahī merī zindagī kā

sukūn hai

aaj yakayak

jab main ne tera

tazkira kiya

achanak chaunk sa gaya

phir

KHamosh ho gaya

mazi ki sari baaten

yaad aane lagin

tera muskurana

tera sharmana

na kisi baat ka

gila na shikwa

sadgi sadgi

aur

be-intiha pyar

phir achanak

mujh se bichhaD jaana

teri jhuki jhuki nigahen

aaj bhi

jaise mujh se kuchh kahti hain

magar zaban KHamosh hai

goya

tera pyar mere liye

sard ho gaya

lekin aaj bhi

tera KHayal

achchha lagta hai

shayad

yahi meri zindagi ka

sukun hai