suna hai maine

sunā hai maiñ ne!

ka.ī din se tum pareshāñ ho

kisī ḳhayāl meñ

har vaqt khoī rahtī ho

galī meñ jaatī ho

jaate hī lauT aatī ho

kahīñ kī chiiz

kahīñ rakh ke bhuul jaatī ho

kitchen meñ!

roz koī pyālī toḌ detī ho

masāla piis kar

sil yūñhī chhoḌ detī ho

nasīhatoñ se ḳhafā

mashvaroñ se uljhan sī

kamar meñ dard kī lahreñ

ragoñ meñ aiñThan sī

yaqīn jāno!

bahut duur bhī nahīñ vo ghaḌī

har ik fasāne kā unvāñ badal chukā hogā

mire palañg kī chauḌā.ī

ghaT chukī hogī

tumhāre jism kā sūraj pighal chukā hogā

suna hai main ne!

kai din se tum pareshan ho

kisi KHayal mein

har waqt khoi rahti ho

gali mein jati ho

jate hi lauT aati ho

kahin ki chiz

kahin rakh ke bhul jati ho

kitchen mein!

roz koi pyali toD deti ho

masala pis kar

sil yunhi chhoD deti ho

nasihaton se KHafa

mashwaron se uljhan si

kamar mein dard ki lahren

ragon mein ainThan si

yaqin jaano!

bahut dur bhi nahin wo ghaDi

har ek fasane ka unwan badal chuka hoga

mere palang ki chauDai

ghaT chuki hogi

tumhaare jism ka suraj pighal chuka hoga