surKH gulab aur badar-e-munir

ai dil pahle bhī tanhā the, ai dil ham tanhā aaj bhī haiñ

aur un zaḳhmoñ aur dāġhoñ se ab apnī bāteñ hotī haiñ

jo zaḳhm ki surḳh gulāb hue, jo daaġh ki badar-e-munīr hue

is tarha se kab tak jiinā hai, maiñ haar gayā is jiine se

koī abr uḌe kisī qulzum se ras barse mire vīrāne par

koī jāgtā ho koī kuḌhtā ho mire der se vāpas aane par

koī saañs bhare mire pahlū meñ koī haath dhare mire shāne par

aur dabe dabe lahje meñ kahe tum ne ab tak baḌe dard sahe

tum tanhā tanhā jalte rahe tum tanhā tanhā chalte rahe

suno tanhā chalnā khel nahīñ, chalo aao mire ham-rāh chalo

chalo na.e safar par chalte haiñ, chalo mujhe banā ke gavāh chalo

ai dil pahle bhi tanha the, ai dil hum tanha aaj bhi hain

aur un zaKHmon aur daghon se ab apni baaten hoti hain

jo zaKHm ki surKH gulab hue, jo dagh ki badar-e-munir hue

is tarha se kab tak jina hai, main haar gaya is jine se

koi abr uDe kisi qulzum se ras barse mere virane par

koi jagta ho koi kuDhta ho mere der se wapas aane par

koi sans bhare mere pahlu mein koi hath dhare mere shane par

aur dabe dabe lahje mein kahe tum ne ab tak baDe dard sahe

tum tanha tanha jalte rahe tum tanha tanha chalte rahe

suno tanha chalna khel nahin, chalo aao mere ham-rah chalo

chalo nae safar par chalte hain, chalo mujhe bana ke gawah chalo