sarod-e-shabana

gum hai ik kaif meñ fazā-e-hayāt

ḳhāmushī sajda-e-niyāz meñ hai

husn-e-ma.asūm ḳhvāb-e-nāz meñ hai

ai ki tū rang-o-bū kā tūfāñ hai

ai ki tū jalva-gar bahār meñ hai

zindagī tere iḳhtiyār meñ hai

phuul lākhoñ baras nahīñ rahte

do ghaḌī aur hai bahār-e-shabāb

aa ki kuchh dil kī sun sunā leñ ham

aa mohabbat ke giit gā leñ ham

merī tanhā.iyoñ pe shaam rahe?

hasrat-e-dīd nā-tamām rahe?

dil meñ betāb hai sadā-e-hayāt

aañkh gauhar nisār kartī hai

āsmāñ par udaas haiñ taare

chāñdnī intizār kartī hai

aa ki thoḌā sā pyaar kar leñ ham

zindagī zar-nigār kar leñ ham

gum hai ek kaif mein faza-e-hayat

KHamushi sajda-e-niyaz mein hai

husn-e-masum KHwab-e-naz mein hai

ai ki tu rang-o-bu ka tufan hai

ai ki tu jalwa-gar bahaar mein hai

zindagi tere iKHtiyar mein hai

phul lakhon baras nahin rahte

do ghaDi aur hai bahaar-e-shabab

aa ki kuchh dil ki sun suna len hum

aa mohabbat ke git ga len hum

meri tanhaiyon pe sham rahe?

hasrat-e-did na-tamam rahe?

dil mein betab hai sada-e-hayat

aankh gauhar nisar karti hai

aasman par udas hain tare

chandni intizar karti hai

aa ki thoDa sa pyar kar len hum

zindagi zar-nigar kar len hum