surud-e-shabana

nīm-shab chāñd ḳhud-farāmoshī

mahfil-e-hast-o-būd vīrāñ hai

paikar-e-iltijā hai ḳhāmoshī

bazm-e-anjum fasurda-sāmāñ hai

ābshār-e-sukūt jaarī hai

chār-sū be-ḳhudī sī taarī hai

zindagī juzv-e-ḳhavāb hai goyā

saarī duniyā sarāb hai goyā

so rahī hai ghane daraḳhtoñ par!

chāñdnī kī thakī huī āvāz

kahkashāñ nīm-vā nigāhoñ se

kah rahī hai hadīs-e-shauq-e-niyāz

sāz-e-dil ke ḳhamosh tāroñ se

chhan rahā hai ḳhumār-e-kaif-āgīñ

aarzū ḳhvāb terā rū-e-hasīñ

nim-shab chand KHud-faramoshi

mahfil-e-hast-o-bud viran hai

paikar-e-iltija hai KHamoshi

bazm-e-anjum fasurda-saman hai

aabshaar-e-sukut jari hai

chaar-su be-KHudi si tari hai

zindagi juzw-e-KHawab hai goya

sari duniya sarab hai goya

so rahi hai ghane daraKHton par!

chandni ki thaki hui aawaz

kahkashan nim-wa nigahon se

kah rahi hai hadis-e-shauq-e-niyaz

saz-e-dil ke KHamosh taron se

chhan raha hai KHumar-e-kaif-agin

aarzu KHwab tera ru-e-hasin