surud

maut apnī na amal apnā na jiinā apnā

kho gayā shorish-e-gītī meñ qarīna apnā

nāḳhudā duur havā tez, qarīñ kām-e-nahañg

vaqt hai pheñk de lahroñ meñ safīna apnā

arsa-e-dahr ke hañgāme tah-e-ḳhavāb sahī

garm rakh ātish-e-paikār se siina apnā

sāqiyā rañj na kar jaag uThegī mahfil

aur kuchh der uThā rakhte haiñ piinā apnā

besh-qīmat haiñ ye ġham-hā-e-mahabbat mat bhuul

zulmat-e-yās ko mat sauñp ḳhazīna apnā

maut apni na amal apna na jina apna

kho gaya shorish-e-giti mein qarina apna

naKHuda dur hawa tez, qarin kaam-e-nahang

waqt hai phenk de lahron mein safina apna

arsa-e-dahr ke hangame tah-e-KHawab sahi

garm rakh aatish-e-paikar se sina apna

saqiya ranj na kar jag uThegi mahfil

aur kuchh der uTha rakhte hain pina apna

besh-qimat hain ye gham-ha-e-mahabbat mat bhul

zulmat-e-yas ko mat saunp KHazina apna