سورج کنڈ

اک قافلہ طالب علموں کا اترا ہے تمہارے دامن میں

یہ عزم ہے دیکھیں کیا کیا ہے اس کنڈ کے فطری گلشن میں

تم اپنی زباں سے حال اپنا اے کنڈ کی لہرو کچھ تو کہو

اوراق پریشاں صدیوں کے بکھرے ہیں تمہارے دامن میں

گنجینۂ معلومات ہے کیا پوشیدہ تمہارے اس بن میں

تم اپنی زبان سے حال اپنا خاموش چٹانو کچھ تو کہو

ہم ساری وادی گھومیں گے اور عظمت رفتہ جانیں گے

ہم چپہ چپہ دیکھیں گے اور کونا کونا چھانیں گے

تم اپنی زباں سے حال اپنا اے بہتے چشمو کچھ تو کہو