suraj

mirā kaam hai pyāre bachchoñ nirālā

mire dam se hotā hai har sū ujālā

sahar meñ jo masjid se aate ho tum ghar

numūdār hotā huuñ tab maiñ ufuq par

safar merā mashriq se maġhrib talak hai

sadā se guzargāh merī falak hai

nazar raat meñ tum ko aatā nahīñ huuñ

magar phir bhī duniyā se jaatā nahīñ huuñ

mire dam se hī chāñd meñ raushnī hai

mire dam se hī chāñd meñ dilkashī hai

tumhāre liye niiñd bhī lāzmī hai

zarūrat magar niiñd ko raat kī hai

yūñhī shab meñ duur hotā huuñ tum se

yūñhī shab meñ mastūr hotā huuñ tum se

hai insāñ ko hājat mirī raat ko bhī

zarūrat hai merī nabātāt ko bhī

ba-hukm-e-ḳhudā mujh se hī raushnī hai

añdhere se 'sāhil' mirī dushmanī hai

mera kaam hai pyare bachchon nirala

mere dam se hota hai har su ujala

sahar mein jo masjid se aate ho tum ghar

numudar hota hun tab main ufuq par

safar mera mashriq se maghrib talak hai

sada se guzargah meri falak hai

nazar raat mein tum ko aata nahin hun

magar phir bhi duniya se jata nahin hun

mere dam se hi chand mein raushni hai

mere dam se hi chand mein dilkashi hai

tumhaare liye nind bhi lazmi hai

zarurat magar nind ko raat ki hai

yunhi shab mein dur hota hun tum se

yunhi shab mein mastur hota hun tum se

hai insan ko hajat meri raat ko bhi

zarurat hai meri nabaatat ko bhi

ba-hukm-e-KHuda mujh se hi raushni hai

andhere se 'sahil' meri dushmani hai