tajassus

is sarā.e meñ musāfir kā qayām

ek lamha be-yaqīnī kā

jis ko jannat yā jahannam jo bhī kah lo

kyā kisī pe inhisār

har koī apne amal kā zimmedār

bhuul kar bhī ye na socho

ki muqaddar bhī banātā hai koī

varna jo hai sāmne chup-chāp dekho

kyā bhalā hai kyā burā

jab talak sahne kī tāqat hai saho

hāl-e-dil apnā kisī se mat kaho

ab to rasman hī zabāñ par pursish-e-ahvāl hai

dam dilāsa pyaar hamdardī ḳhulūs

aaise sab alfāz siine kī luġhat se uḌ chuke haiñ

is sarā.e meñ musāfir kā qayām

maut ke khaTke se mar jaane kā naam!

is sarae mein musafir ka qayam

ek lamha be-yaqini ka

jis ko jannat ya jahannam jo bhi kah lo

kya kisi pe inhisar

har koi apne amal ka zimmedar

bhul kar bhi ye na socho

ki muqaddar bhi banata hai koi

warna jo hai samne chup-chap dekho

kya bhala hai kya bura

jab talak sahne ki taqat hai saho

haal-e-dil apna kisi se mat kaho

ab to rasman hi zaban par pursish-e-ahwal hai

dam dilasa pyar hamdardi KHulus

aaise sab alfaz sine ki lughat se uD chuke hain

is sarae mein musafir ka qayam

maut ke khaTke se mar jaane ka nam!