tamashai bhi zalim hain

vo zālim

jo kisī kā zulm sahtā hai

ki vo zālim

jo us par zulm kartā hai

kisī mazlūm par lāThī chalātā hai

vo jo fir.aun ban kar ḳhud ko us mazlūm kā aaqā batātā hai

ḳhudā hone kā da.avā hī nahīñ kartā

ḳhudā.ī kī hadoñ ko chhū ke aatā hai

kisī be-pairahan ko saḌkoñ pe laatā hai

numā.ish kar ke logoñ ko tamāshā bhī dikhātā hai

phir is par faḳhr kartā hai

faqat vo hī nahīñ zālim

tamāshā jo banā hai vo bhī zālim hai

tamāshā.ī bhī zālim haiñ

ye jo bīmār socheñ sochne vāloñ kā Tolā hai

ye zālim hai

kisī mazlūm ke jo ird-gird aise khaḌe

tasvīr khiñchvātā hai zālim hai

numā.ish ho rahī hotī hai siskī kī

kisī kī āḳhirī hichkī jo apne camere meñ

qaid kartā hai

jahāñ bhar ko dikhātā hai

vo zālim hai

baḌā sastā tarīqa hai hamārā bhī

bahā kar ashk jo hamdardiyāñ ham ne sameTī haiñ

inhī hamdardiyoñ kī kirchiyāñ rūhoñ meñ

chubhtī haiñ

sadā andar se aatī hai

tamāshā karne vaalā to chalo zālim

tamāshā jo banā hai vo bhī zālim hai

tamāshā.ī bhī zālim haiñ

wo zalim

jo kisi ka zulm sahta hai

ki wo zalim

jo us par zulm karta hai

kisi mazlum par laThi chalata hai

wo jo firaun ban kar KHud ko us mazlum ka aaqa batata hai

KHuda hone ka dawa hi nahin karta

KHudai ki hadon ko chhu ke aata hai

kisi be-pairahan ko saDkon pe lata hai

numaish kar ke logon ko tamasha bhi dikhata hai

phir is par faKHr karta hai

faqat wo hi nahin zalim

tamasha jo bana hai wo bhi zalim hai

tamashai bhi zalim hain

ye jo bimar sochen sochne walon ka Tola hai

ye zalim hai

kisi mazlum ke jo ird-gird aise khaDe

taswir khinchwata hai zalim hai

numaish ho rahi hoti hai siski ki

kisi ki aaKHiri hichki jo apne camere mein

qaid karta hai

jahan bhar ko dikhata hai

wo zalim hai

baDa sasta tariqa hai hamara bhi

baha kar ashk jo hamdardiyan hum ne sameTi hain

inhi hamdardiyon ki kirchiyan ruhon mein

chubhti hain

sada andar se aati hai

tamasha karne wala to chalo zalim

tamasha jo bana hai wo bhi zalim hai

tamashai bhi zalim hain