intizar

guzar rahe haiñ shab o roz tum nahīñ ātīñ

riyāz-e-zīst hai āzurda-e-bahār abhī

mire ḳhayāl kī duniyā hai sogvār abhī

jo hasrateñ tire ġham kī kafīl haiñ pyārī

abhī talak mirī tanhā.iyoñ meñ bastī haiñ

tavīl rāteñ abhī tak tavīl haiñ pyārī

udaas āñkheñ tirī diid ko tarastī haiñ

bahār-e-husn pe pābandī-e-jafā kab tak

ye āzmā.ish-e-sabr-e-gurez-pā kab tak

qasam tumhārī bahut ġham uThā chukā huuñ maiñ

ġhalat thā da.ava-e-sabr-o-shakeb aa jaao

qarār-e-ḳhātir-e-betāb thak gayā huuñ maiñ

guzar rahe hain shab o roz tum nahin aatin

riyaz-e-zist hai aazurda-e-bahaar abhi

mere KHayal ki duniya hai sogwar abhi

jo hasraten tere gham ki kafil hain pyari

abhi talak meri tanhaiyon mein basti hain

tawil raaten abhi tak tawil hain pyari

udas aankhen teri did ko tarasti hain

bahaar-e-husn pe pabandi-e-jafa kab tak

ye aazmaish-e-sabr-e-gurez-pa kab tak

qasam tumhaari bahut gham uTha chuka hun main

ghalat tha dawa-e-sabr-o-shakeb aa jao

qarar-e-KHatir-e-betab thak gaya hun main