tamanna ka dusra qadam

vaqt aur nā-vaqt ke mā-bain

kitnā fāsla

kitnā ḳhalā

kitnī ghanerī ḳhāmushī hai

jānñe kī koshishoñ meñ

aañkh kī aur dil kī ujlī aañkh kī

bīnā.iyāñ kam paḌ ga.ī haiñ

sochtā huuñ

soch kā koī parinda bhej kar

is hadd-e-lā-had kā

koī andāza kar luuñ

ḳhud se kahtā huuñ

tujhe ma.alūm hai

ye kaam sochoñ ke parindoñ kā nahīñ

taḳh.īl kā hai

jo parinda ġhaib kī is jhiil kā hai

jis meñ sab nā-dīdgāñ ke

aks bante raqs karte haiñ

inhī nā-dīdgāñ meñ

vaqt aur nā-vaqt ke mā-bain kā

vo fāsla aur vo ḳhalā aur vo ghanerī ḳhāmushī

bhī ho to kyā ma.alūm

bahte aks un ke tā.ir-e-taḳh.īl ke shahpar se lipTe saath aa jaa.eñ

ye gahre bhed mere haath aa jaa.eñ

waqt aur na-waqt ke ma-bain

kitna fasla

kitna KHala

kitni ghaneri KHamushi hai

jaanne ki koshishon mein

aankh ki aur dil ki ujli aankh ki

binaiyan kam paD gai hain

sochta hun

soch ka koi parinda bhej kar

is hadd-e-la-had ka

koi andaza kar lun

KHud se kahta hun

tujhe malum hai

ye kaam sochon ke parindon ka nahin

taKHil ka hai

jo parinda ghaib ki is jhil ka hai

jis mein sab na-didgan ke

aks bante raqs karte hain

inhi na-didgan mein

waqt aur na-waqt ke ma-bain ka

wo fasla aur wo KHala aur wo ghaneri KHamushi

bhi ho to kya malum

bahte aks un ke tair-e-taKHil ke shahpar se lipTe sath aa jaen

ye gahre bhed mere hath aa jaen