tanhai

tanhā baiThā huuñ kamre meñ maazī kī tasvīr liye

ab to anjāne qadmoñ kī aahaT se jī Dartā hai

merī chāhat un ke va.ade dafn hue tahrīroñ meñ

jhūTe haiñ saare afsāne kaun kisī par martā hai

siine kī har ek jalan se samjhautā kar ke maiñ ne

in saarī biitī bātoñ ko tārīkī meñ chhoḌ diyā

shīsha kah lo patthar kah lo kabhī bhī kah luuñ is dil ko

maiñ ne is afsurda shai ko tanhā.ī se joḌ diyā

ab nāzuk nāzuk zehnoñ par faulādī hamla hogā

shīshoñ ke paikar pighleñge pathrīlī tanhā.ī meñ

ḳhvāboñ kā sansār sunahrā tah-ḳhānoñ meñ bhaTkegā

aql bichārī jā dubkegī soch kī gahrī khaa.ī maiñ

tanha baiTha hun kamre mein mazi ki taswir liye

ab to anjaane qadmon ki aahaT se ji Darta hai

meri chahat un ke wade dafn hue tahriron mein

jhuTe hain sare afsane kaun kisi par marta hai

sine ki har ek jalan se samjhauta kar ke main ne

in sari biti baaton ko tariki mein chhoD diya

shisha kah lo patthar kah lo kabhi bhi kah lun is dil ko

main ne is afsurda shai ko tanhai se joD diya

ab nazuk nazuk zehnon par fauladi hamla hoga

shishon ke paikar pighlenge pathrili tanhai mein

KHwabon ka sansar sunahra tah-KHanon mein bhaTkega

aql bichaari ja dubkegi soch ki gahri khai main