aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

paband nahin hain

Ghaus Khah makhah Hyderabadi

paband nahin hain

Ghaus Khah makhah Hyderabadi

MORE BYGhaus Khah makhah Hyderabadi

    va.ada kyā kisī baat ke pāband nahīñ haiñ

    būḌhe haiñ na jazbāt ke pāband nahīñ haiñ

    ḳhvāboñ meñ nikal jaate haiñ armān hamāre

    ham din meñ mulāqāt ke pāband nahīñ haiñ

    be-vaj.h bhī āñkhoñ meñ umaD aate haiñ aksar

    sailāb jo barsāt ke pāband nahīñ haiñ

    hālāt gardish rahī pāband hamārī

    ham gardish-e-hālāt ke pāband nahīñ haiñ

    jab vaqt ke pāband nahīñ aap to ham bhī

    pābandi-e-auqāt ke pāband nahīñ haiñ

    ham rind-e-ḳharābāt haiñ jo chāhe piyeñge

    saaqī hidāyāt ke pāband nahīñ haiñ

    zanjīr liye paañv meñ phirte haiñ sar-e-rāh

    dīvāne havālāt ke pāband nahīñ haiñ

    hākim ne kahā hai ki vahī hukm ko Tāleñ

    jo marg-e-mufājāt ke pāband nahīñ haiñ

    mafhūm shab-e-vasl samjhāyā to bole

    ham aisī kisī raat ke pāband nahīñ haiñ

    ye daur taraqqī hai ham sharm-o-hayā

    farsūda rivāyāt ke pāband nahīñ haiñ

    ham 'ḳhvāh-maḳhvāh' pāband haiñ aate hue pal ke

    guzre hue lamhāt ke pāband nahīñ haiñ

    wada kya kisi baat ke paband nahin hain

    buDhe hain na jazbaat ke paband nahin hain

    KHwabon mein nikal jate hain arman hamare

    hum din mein mulaqat ke paband nahin hain

    be-wajh bhi aankhon mein umaD aate hain aksar

    sailab jo barsat ke paband nahin hain

    haalat ki gardish rahi paband hamari

    hum gardish-e-haalat ke paband nahin hain

    jab waqt ke paband nahin aap to hum bhi

    pabandi-e-auqat ke paband nahin hain

    hum rind-e-KHarabaat hain jo chahe piyenge

    saqi ki hidayat ke paband nahin hain

    zanjir liye panw mein phirte hain sar-e-rah

    diwane hawalat ke paband nahin hain

    hakim ne kaha hai ki wahi hukm ko Talen

    jo marg-e-mufajat ke paband nahin hain

    mafhum shab-e-wasl ka samjhaya to bole

    hum aisi kisi raat ke paband nahin hain

    ye daur taraqqi ka hai hum sharm-o-haya ki

    farsuda riwayat ke paband nahin hain

    hum 'KHwah-maKHwah' paband hain aate hue pal ke

    guzre hue lamhat ke paband nahin hain

    Source:

    (Pg. 46)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now