taqwa

bahut ayyār the vo log

vo saarā din ḳhudā ko yaad karte

masjidoñ meñ jaate

rote giḌgiḌāte aur tasbīheñ paḌhā karte

zamāna mo'taqid thā is qadar un kā

vo jab bāhar nikalte

log un ke rāste kī gard ko

apne amāmoñ se haTāte the

un kī ḳhātir ḳhvān par nemat sajāte the

magar

jab raat aatī aur andhere har dar o dīvār par

ḳheme apne nasab kar lete

dākuoñ kā bhes

luuT lete aabrū

maal o zar laal o guhar

aur phir vo sub.h-dam

sidq o safā kā dars dete

aur sabr-o-razā kī shahr ko talqīn karte

aur phir masrūf ho jaate

ibādat meñ vo apnī

unheñ shaddād kī jannat

ilāhī kī razā se chāhiye thī

bahut ayyar the wo log

wo sara din KHuda ko yaad karte

masjidon mein jate

rote giDgiDate aur tasbihen paDha karte

zamana mo'taqid tha is qadar un ka

wo jab bahar nikalte

log un ke raste ki gard ko

apne amamon se haTate the

un ki KHatir KHwan par nemat sajate the

magar

jab raat aati aur andhere har dar o diwar par

KHeme apne nasab kar lete

dakuon ka bhes

luT lete aabru

mal o zar lal o guhar

aur phir wo subh-dam

sidq o safa ka dars dete

aur sabr-o-raza ki shahr ko talqin karte

aur phir masruf ho jate

ibaadat mein wo apni

unhen shaddad ki jannat

ilahi ki raza se chahiye thi