tarana-e-urdu

vallāh kyā zabāñ hai urdu zabāñ hamārī

fitrat kī tarjumāñ hai urdu zabāñ hamārī

aabā kī dāstāñ hai urdu zabāñ hamārī

mazlūm kī fuġhāñ hai urdu zabāñ hamārī

hindū bhī bolte haiñ muslim bhī bolte haiñ

do jism ek jaañ hai urdu zabāñ hamārī

ta.amīr kī hai is kī ḳhud ko miTā miTā kar

aslāf kā nishāñ hai urdu zabāñ hamārī

mīThā ik ek jumla pur-kaif har maqāla

al-haq shakar-fishāñ hai urdu zabāñ hamārī

alfāz chāñd taare ban kar chamak rahe haiñ

rif.at meñ āsmāñ hai urdu zabāñ hamārī

'ġhālib' 'nasīm' 'kaifī' chakbast 'zauq' 'sarshār'

har shaḳhs kī zabāñ hai urdu zabāñ hamārī

ik ik kitāb is kī phūlā-phalā chaman hai

gulzār-e-be-ḳhizāñ hai urdu zabāñ hamārī

'munshī-prem' is par hote na kyuuñ tasadduq

maanī huī zabāñ hai urdu zabāñ hamārī

har aadmī ke dil meñ ghar kar rahī hai 'shātir'

mahbūb mehrbāñ hai urdu zabāñ hamārī

wallah kya zaban hai urdu zaban hamari

fitrat ki tarjuman hai urdu zaban hamari

aaba ki dastan hai urdu zaban hamari

mazlum ki fughan hai urdu zaban hamari

hindu bhi bolte hain muslim bhi bolte hain

do jism ek jaan hai urdu zaban hamari

tamir ki hai is ki KHud ko miTa miTa kar

aslaf ka nishan hai urdu zaban hamari

miTha ek ek jumla pur-kaif har maqala

al-haq shakar-fishan hai urdu zaban hamari

alfaz chand tare ban kar chamak rahe hain

rifat mein aasman hai urdu zaban hamari

'ghaalib' 'nasim' 'kaifi' chakbast 'zauq' 'sarshaar'

har shaKHs ki zaban hai urdu zaban hamari

ek ek kitab is ki phula-phala chaman hai

gulzar-e-be-KHizan hai urdu zaban hamari

'munshi-prem' is par hote na kyun tasadduq

mani hui zaban hai urdu zaban hamari

har aadmi ke dil mein ghar kar rahi hai 'shatir'

mahbub mehrban hai urdu zaban hamari