tark-e-daryuza

ab na phailāuñgā maiñ dast-e-savāl

maiñ ne dekhā hai ki majbūr hai tū

merī duniyā se bahut duur hai tū

terī qismat meñ jahāñbānī hai

merī taqdīr meñ hairānī hai

bazm-e-hastī meñ sar-afrāz hai tū

mere anjām kā āġhāz hai tū

tū hai āsūda-e-farsh-e-sanjāb

ḳhuld hai tere shabistāñ kā javāb

masjid-e-shahr kī mehrāb kā ḳham

terī taqdīs kī khātā hai qasam

maiñ huuñ ik shā.er-e-āvāra-mizāj

aur tire farq pe aḳhlāq kā taaj

maiñ ne aalam se baġhāvat kī hai

tū ne har shai se mohabbat kī hai!

maiñ ne maz.hab pe bhī ilzām dharā

tū ne vahmoñ ko bhī īmāñ samjhā

gil kahāñ aur ḳhas-o-ḳhāshāk kahāñ

ālam-e-pāk kahāñ ḳhaak kahāñ

ab na phailāuñgā maiñ dast-e-savāl

ab na phailaunga main dast-e-sawal

main ne dekha hai ki majbur hai tu

meri duniya se bahut dur hai tu

teri qismat mein jahanbani hai

meri taqdir mein hairani hai

bazm-e-hasti mein sar-afraaz hai tu

mere anjam ka aaghaz hai tu

tu hai aasuda-e-farsh-e-sanjab

KHuld hai tere shabistan ka jawab

masjid-e-shahr ki mehrab ka KHam

teri taqdis ki khata hai qasam

main hun ek shaer-e-awara-mizaj

aur tere farq pe aKHlaq ka taj

main ne aalam se baghawat ki hai

tu ne har shai se mohabbat ki hai!

main ne mazhab pe bhi ilzam dhara

tu ne wahmon ko bhi iman samjha

gil kahan aur KHas-o-KHashak kahan

aalam-e-pak kahan KHak kahan

ab na phailaunga main dast-e-sawal