tark-e-mohabbat ke baad

ġhair kī ho ke bhī tum merī mohabbat chāho

is ghaTā-Top añdhere meñ ye taare kaise

farsh par jis ko abhī tak na milī jaa.e panāh

arsh se chāñd kā aivān utāre kaise

jis kī rāhoñ pe bhaTakte hue jag biite haiñ

phir usī dasht ko bad-baḳht sudhāre kaise

qāfile aa.e ga.e gard uThī baiTh ga.ī

ab musāfir ko ufuq par se ishāre kaise

jin kī taqdīr meñ thā dāman-e-gulchīñ kā mazār

vo shagūfe to parā.e haiñ hamāre kaise

pesh kar saktā huuñ lekin tujhe bahlāne ko

chāñdnī-rāt meñ machle hue rūmān kī yaad

bed-e-majnūñ ke tilismāt se pal-pal chhantī

āsmānoñ ko lapaktī huī ik taan kī yaad

merī vāraftagī-e-shauq kī sun kar rūdād

tirī āñkhoñ meñ damakte hue armān kī yaad

donoñ chehroñ pe shafaq donoñ jabīnoñ pe araq

donoñ sīnoñ meñ dhaḌakte hue haijān kī yaad

kaun haiñ aap mirī ziist kī tanhā.ī sāthī

pahlī pahchān kī yaad āḳhirī paimān kī yaad

ghair ki ho ke bhi tum meri mohabbat chaho

is ghaTa-Top andhere mein ye tare kaise

farsh par jis ko abhi tak na mili jae panah

arsh se chand ka aiwan utare kaise

jis ki rahon pe bhaTakte hue jag bite hain

phir usi dasht ko bad-baKHt sudhaare kaise

qafile aae gae gard uThi baiTh gai

ab musafir ko ufuq par se ishaare kaise

jin ki taqdir mein tha daman-e-gulchin ka mazar

wo shagufe to parae hain hamare kaise

pesh kar sakta hun lekin tujhe bahlane ko

chandni-raat mein machle hue ruman ki yaad

bed-e-majnun ke tilismat se pal-pal chhanti

aasmanon ko lapakti hui ek tan ki yaad

meri waraftagi-e-shauq ki sun kar rudad

teri aankhon mein damakte hue arman ki yaad

donon chehron pe shafaq donon jabinon pe araq

donon sinon mein dhaDakte hue haijaan ki yaad

kaun hain aap meri zist ki tanhai sathi

pahli pahchan ki yaad aaKHiri paiman ki yaad