قریب آؤ کہ جان جاناں
تمہیں سناؤں وہ ساری غزلیں
کہ جن کا مطلع تمہاری آنکھیں
وہ جن کا ہر ایک قافیہ ہے
تمہاری زلفوں کی لٹ سراسر
ردیف جن کی جو سچ کہوں تو
تمہاری انگشتری کا جوہر
وہ جن کا ہر ایک شعر گویا
تمہاری صورت مہک رہا ہے
وہ جن کا مقطع تمہارا رومال
جس کے اوپر مرا تخلص لکھا ہوا ہے
قریب آؤ کہ جان جاناں
تمہیں سناؤں وہ ساری غزلیں
کہ جن کی تشریح تم ہی تم ہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
