tazad-o-maslahat

kahīñ ik bhuul se jannat nikal jaatī hai qadmoñ se

kahīñ us ko bhulāne se bhī sāhab kuchh nahīñ hotā

kahīñ aañsū bahāne se basārat lauT aatī hai

kahīñ ghar ko luTāne se bhī sāhab kuchh nahīñ hotā

kahīñ dariyā kī maujeñ faisla kartī haiñ zālim kā

kahīñ dariyā pe jaane se bhī sāhab kuchh nahīñ hotā

kahīñ ye ḳhū-e-ḳhūñ-rezī aqīdoñ ko badaltī hai

kahīñ murde jalāne se bhī sāhab kuchh nahīñ hotā

kahīñ eḌī ragaḌne se zamīñ chashme ugaltī hai

kahīñ gardan kaTāne se bhī sāhab kuchh nahīñ hotā

kahīñ sahrāoñ kī banjar zamīñ sonā ugaltī hai

kahīñ gandum ugāne se bhī sāhab kuchh nahīñ hotā

kahīñ do uñgliyoñ se faisla hotā hai ḳhaibar kā

kahīñ baazū kaTāne se bhī sāhab kuchh nahīñ hotā

kahīñ chullū meñ ġhāzī kī hukmarāñ Duub jaate haiñ

kahīñ hākim banāne se bhī sāhab kuchh nahīñ hotā

kahīñ zor-e-suḳhan qaumoñ kī taqdīreñ badaltā hai

kahīñ faujeñ bulāne se bhī sāhab kuchh nahīñ hotā

kahīñ ḳhāmoshiyāñ bhī jiit letī haiñ mahāzoñ ko

kahīñ topeñ chalāne se bhī sāhab kuchh nahīñ hotā

kahīñ ġham tā-qayāmat dost kar detā hai apnoñ ko

kahīñ ḳhushiyāñ luTāne se bhī sāhab kuchh nahīñ hotā

kahīñ apne suḳhan se ik bahan dil jiit letī hai

kahīñ ḳhanjar chalāne se bhī sāhab kuchh nahīñ hotā

kahīñ tanhā.iyāñ rutbe atā kartī haiñ insāñ ko

kahīñ mahfil sajāne se bhī sāhab kuchh nahīñ hotā

kahin ek bhul se jannat nikal jati hai qadmon se

kahin us ko bhulane se bhi sahab kuchh nahin hota

kahin aansu bahane se basarat lauT aati hai

kahin ghar ko luTane se bhi sahab kuchh nahin hota

kahin dariya ki maujen faisla karti hain zalim ka

kahin dariya pe jaane se bhi sahab kuchh nahin hota

kahin ye KHu-e-KHun-rezi aqidon ko badalti hai

kahin murde jalane se bhi sahab kuchh nahin hota

kahin eDi ragaDne se zamin chashme ugalti hai

kahin gardan kaTane se bhi sahab kuchh nahin hota

kahin sahraon ki banjar zamin sona ugalti hai

kahin gandum ugane se bhi sahab kuchh nahin hota

kahin do ungliyon se faisla hota hai KHaibar ka

kahin bazu kaTane se bhi sahab kuchh nahin hota

kahin chullu mein ghazi ki hukmaran Dub jate hain

kahin hakim banane se bhi sahab kuchh nahin hota

kahin zor-e-suKHan qaumon ki taqdiren badalta hai

kahin faujen bulane se bhi sahab kuchh nahin hota

kahin KHamoshiyan bhi jit leti hain mahazon ko

kahin topen chalane se bhi sahab kuchh nahin hota

kahin gham ta-qayamat dost kar deta hai apnon ko

kahin KHushiyan luTane se bhi sahab kuchh nahin hota

kahin apne suKHan se ek bahan dil jit leti hai

kahin KHanjar chalane se bhi sahab kuchh nahin hota

kahin tanhaiyan rutbe ata karti hain insan ko

kahin mahfil sajaane se bhi sahab kuchh nahin hota