tazmin bar-ashaar-e-ghaalib

dard-e-ulfat yūñhī thā rag rag meñ saarī haa.e haa.e

kyuuñ lagāyā phir vafā kā zaḳhm-e-kārī haa.e haa.e

tujh sā be-fikr aur kisī kī ġham-gusārī haa.e haa.e

dard se mere ho tujh ko be-qarārī haa.e haa.e

kyā huī zālim tirī ġhaflat shi.ārī? haa.e haa.e

kuchh hañsī thā shirkat rañj-o-alam kā hausla

aah ye ek ḳhūgar nāz-o-ni.am kā hausla

kyuuñ kiyā be-quvvat-e-dil is sitam kā hausla

tere dil meñ gar na thā āshob-e-ġham kā hausla

tū ne phir kyuuñ kī thī merī ġham-gusārī haa.e haa.e

thā mirā ġham-ḳhvār ban kar phūlnā phalnā muhāl

kaT gayā āḳhir na terā naḳhl-e-umr ai naunihāl

aah nādāñ kyuuñ na sochā merī ulfat kā ma.aal

kyuuñ mirī ġham-ḳhvārgī kā tujh ko aayā thā ḳhayāl

dushmanī apnī thī merī dost-dārī haa.e haa.e

jiite jī ham tum rahe gar yak-dil-o-yakjā to kyā

tā-dam-e-āḳhir bharā gar dam mohabbat kā to kyā

umr bhar paimāñ rahā minnat-kash iifā to kyā

umr bhar kā tū ne paimān-e-vafā bāñdhā to kyā

umr ko bhī to nahīñ hai pā.edārī haa.e haa.e

chhoḌ kar zindāñ meñ mujh ko tū ne rāh-e-ḳhuld lī

tere zaḳhm-e-nāvak-e-furqat se maiñ jiitī bachī

ho chukī bas e'timād-e-dil kī sheḳhī kirkirī

ḳhaak meñ nāmūs-e-paimān-e-mohabbat mil ga.ī

uTh ga.ī duniyā se rāh-rau rasm yaarī haa.e haa.e

vā dareġhā thā dil-e-bīmār-e-ġham ko aasrā

āb-e-teġh-e-nāz se ik din mujhe hogī shifā

hasrat ai shauq-e-jarāhat! ruḳhsat ai zauq-e-fanā

haath hī teġh-āzmā kā kaam se jaatā rahā

dil pe ik lagne na paayā zaḳhm-e-kārī haa.e haa.e

ġham hare kartī hai fasl-e-ashk-bār-e-barshgāl

misl-e-qismat taar haiñ lail-o-nahār-e-barshgāl

kab khulegā haa.e ye ab sāya-dār-e-barshgāl

kaise kāTūñ haa.e maiñ shab-hā-e-tār-e-barshigāl

hai nazar ḳhū-karda-e-aḳhtar-shumārī haa.e haa.e

ek din vo bhī thā jab dam bhar kī furqat thī muhāl

aah ik din ye bhī hai jab rūnumā hai infi.āl

ye alam kab tak sahūñ kab tak na ho jiinā vabāl

gosh mahjūr-e-payām o chashm mahrūm-e-jamāl

ek dil tis par ye nā ummīd-vārī haa.e haa.e

dard-e-ulfat yunhi tha rag rag mein sari hae hae

kyun lagaya phir wafa ka zaKHm-e-kari hae hae

tujh sa be-fikr aur kisi ki gham-gusari hae hae

dard se mere ho tujh ko be-qarari hae hae

kya hui zalim teri ghaflat shiari? hae hae

kuchh hansi tha shirkat ranj-o-alam ka hausla

aah ye ek KHugar naz-o-niam ka hausla

kyun kiya be-quwwat-e-dil is sitam ka hausla

tere dil mein gar na tha aashob-e-gham ka hausla

tu ne phir kyun ki thi meri gham-gusari hae hae

tha mera gham-KHwar ban kar phulna phalna muhaal

kaT gaya aaKHir na tera naKHl-e-umr ai naunihaal

aah nadan kyun na socha meri ulfat ka maal

kyun meri gham-KHwargi ka tujh ko aaya tha KHayal

dushmani apni thi meri dost-dari hae hae

jite ji hum tum rahe gar yak-dil-o-yakja to kya

ta-dam-e-aKHir bhara gar dam mohabbat ka to kya

umr bhar paiman raha minnat-kash ifa to kya

umr bhar ka tu ne paiman-e-wafa bandha to kya

umr ko bhi to nahin hai paedari hae hae

chhoD kar zindan mein mujh ko tu ne rah-e-KHuld li

tere zaKHm-e-nawak-e-furqat se main jiti bachi

ho chuki bas e'timad-e-dil ki sheKHi kirkiri

KHak mein namus-e-paiman-e-mohabbat mil gai

uTh gai duniya se rah-rau rasm yari hae hae

wa daregha tha dil-e-bimar-e-gham ko aasra

aab-e-tegh-e-naz se ek din mujhe hogi shifa

hasrat ai shauq-e-jarahat! ruKHsat ai zauq-e-fana

hath hi tegh-azma ka kaam se jata raha

dil pe ek lagne na paya zaKHm-e-kari hae hae

gham hare karti hai fasl-e-ashk-bar-e-barshgal

misl-e-qismat tar hain lail-o-nahaar-e-barshgal

kab khulega hae ye ab saya-dar-e-barshgal

kaise kaTun hae main shab-ha-e-tar-e-barshigal

hai nazar KHu-karda-e-aKHtar-shumari hae hae

ek din wo bhi tha jab dam bhar ki furqat thi muhaal

aah ek din ye bhi hai jab runuma hai infial

ye alam kab tak sahun kab tak na ho jina wabaal

gosh mahjur-e-payam o chashm mahrum-e-jamal

ek dil tis par ye na ummid-wari hae hae