tazmin

ġham tumhārā thā zindagī goyā

tum ko khoyā use nahīñ khoyā

fart-e-girya se jī na halkā ho

bas yahī soch kar nahīñ royā

ashk to ashk haiñ sharāb se bhī

maiñ ne ye dāġh-e-dil nahīñ dhoyā

maiñ vo kisht-e-nashāt kyoñ kāTūñ

jis ko maiñ ne kabhī nahīñ boyā

aabla aabla thī jaañ phir bhī

bār-e-hastī ko umr bhar Dhoyā

dīda-o-dil gavāh haiñ jānāñ

sukh se jaagā na chain se soyā

dūsrā koī saath ho ki na ho

tum mire paas hote ho goyā

gham tumhaara tha zindagi goya

tum ko khoya use nahin khoya

fart-e-girya se ji na halka ho

bas yahi soch kar nahin roya

ashk to ashk hain sharab se bhi

main ne ye dagh-e-dil nahin dhoya

main wo kisht-e-nashat kyon kaTun

jis ko main ne kabhi nahin boya

aabla aabla thi jaan phir bhi

bar-e-hasti ko umr bhar Dhoya

dida-o-dil gawah hain jaanan

sukh se jaga na chain se soya

dusra koi sath ho ki na ho

tum mere pas hote ho goya