main teacher kyon hun

kabhī kabhī ye sochtī huuñ

āḳhir maiñ teacher kyoñ huuñ

kuchh aur na kar sakī

kyā is liye maiñ teacher huuñ

javāb yahī bas aatā hai

sab kuchh kar saktī huuñ

shāyad isī liye maiñ teacher huuñ

nanhe-munne bachchoñ meñ

maiñ apnā bachpan dekhtī huuñ

kisī meñ 'sir-sayyad'

kisī meñ 'kalām' dekhtī huuñ

kabhī kabhī ye sochtī huuñ

ki mujhe sirf kitāboñ ke

nisāb hī paḌhāne haiñ

yā ki un ke zehn kī korī taḳhtī par

kuchh aur likhnā hai

bachche to kachchī miTTī ke londe haiñ

unheñ mujhe hī sañvārnā sajānā hai

aur insāniyat ke sāñche meñ Dhaal kar

ek behtar insān banānā hai

agar maiñ ye sab kuchh kar sakī to

kāmyāb hai merā maqsad

merā kaam se mohabbat

ḳhudā kī ḳhaas rahmat

kabhī kabhī sochtī huuñ

mujhe hī to banānī hai

in naunihāloñ kī shaḳhsiyat

jo aaj kamzor paude haiñ

kal sāya-dār daraḳht hoñge

yahī qaum-o-millat ke baḳht hoñge

shāyad isī liye maiñ teacher huuñ

kabhi kabhi ye sochti hun

aaKHir main teacher kyon hun

kuchh aur na kar saki

kya is liye main teacher hun

jawab yahi bas aata hai

sab kuchh kar sakti hun

shayad isi liye main teacher hun

nanhe-munne bachchon mein

main apna bachpan dekhti hun

kisi mein 'sir-sayyad'

kisi mein 'kalam' dekhti hun

kabhi kabhi ye sochti hun

ki mujhe sirf kitabon ke

nisab hi paDhane hain

ya ki un ke zehn ki kori taKHti par

kuchh aur likhna hai

bachche to kachchi miTTi ke londe hain

unhen mujhe hi sanwarna sajaana hai

aur insaniyat ke sanche mein Dhaal kar

ek behtar insan banana hai

agar main ye sab kuchh kar saki to

kaamyab hai mera maqsad

mera kaam se mohabbat

KHuda ki KHas rahmat

kabhi kabhi sochti hun

mujhe hi to banani hai

in naunihaalon ki shaKHsiyat

jo aaj kamzor paude hain

kal saya-dar daraKHt honge

yahi qaum-o-millat ke baKHt honge

shayad isi liye main teacher hun