tera KHat

jab mire naam tire pyaar kā ḳhat aatā hai

chand lamhoñ ko ġham-e-hijr bhī miT jaatā hai

aisā lagtā hai tirā ḳhat nahīñ tū aaya hai

is tavassul se tasavvur meñ tujhe paayā hai

yā ki ye ḳhvāb ġham-e-hijr ne dikhlāyā hai

ḳhat ne phir qissa-e-māzī mirā dohrāyā hai

jab ye aatā hai tirī yaad meñ taḌpātā hai

jab mire naam tire pyaar kā ḳhat aatā hai

ḳhat ke alfāz se yaad aatā hai terā lahja

yaad aatā hai rifāqat kā tirī har lamha

aaj bhī tujh se bichhaḌne kā hai dil ko sadma

ab vo derīna mohabbat hai adhūrā qissa

terā ḳhat ahd-e-guzashta ko bhī dohrātā hai

jab mire naam tire pyaar kā ḳhat aatā hai

aaya ḳhat terā umīdoñ kā farishta ban kar

yā ki aaya mirī qismat kā navishta ban kar

sāmne aaya hai jo ahd-e-guzishta ban kar

terā ḳhat mujh ko tirī yaad meñ rulvātā hai

jab mire naam tire pyaar kā ḳhat aatā hai

yaad haiñ ab bhī tire pyaar kī bāteñ mujh ko

yaad haiñ saarī mohabbat kī vo ghāteñ mujh ko

yaad haiñ vasl kī vo chāñdnī rāteñ mujh ko

yaad haiñ ishq meñ khaa.ī huī māteñ mujh ko

terā ḳhat phir vahī ehsās jagā jaatā hai

jab mire naam tire pyaar kā ḳhat aatā hai

jab mere nam tere pyar ka KHat aata hai

chand lamhon ko gham-e-hijr bhi miT jata hai

aisa lagta hai tera KHat nahin tu aaya hai

is tawassul se tasawwur mein tujhe paya hai

ya ki ye KHwab gham-e-hijr ne dikhlaya hai

KHat ne phir qissa-e-mazi mera dohraya hai

jab ye aata hai teri yaad mein taDpata hai

jab mere nam tere pyar ka KHat aata hai

KHat ke alfaz se yaad aata hai tera lahja

yaad aata hai rifaqat ka teri har lamha

aaj bhi tujh se bichhaDne ka hai dil ko sadma

ab wo derina mohabbat hai adhura qissa

tera KHat ahd-e-guzashta ko bhi dohraata hai

jab mere nam tere pyar ka KHat aata hai

aaya KHat tera umidon ka farishta ban kar

ya ki aaya meri qismat ka nawishta ban kar

samne aaya hai jo ahd-e-guzishta ban kar

tera KHat mujh ko teri yaad mein rulwata hai

jab mere nam tere pyar ka KHat aata hai

yaad hain ab bhi tere pyar ki baaten mujh ko

yaad hain sari mohabbat ki wo ghaten mujh ko

yaad hain wasl ki wo chandni raaten mujh ko

yaad hain ishq mein khai hui maten mujh ko

tera KHat phir wahi ehsas jaga jata hai

jab mere nam tere pyar ka KHat aata hai