thuka hua aadmi

zindagī ne mujhe lakīr par chalnā sikhāyā

maiñ ne munharif honā siikh liyā

us kī andām-e-nahānī

saañp janñe meñ masrūf rahī

aur vo unheñ mārne meñ

vo bhī kyā kartī

raat bhar merī jagah izhdihām soyā rahā

apnī bekārī se tañg aa kar

maiñ apnā uzv niilā karne chalā aayā

aisā karnā jurm hai

magar kyā kyā jaa.e

ek bhuuk miTāne ke liye dūsrī ḳharīdnī paḌtī hai

adālat ne merī āzādī ke evaz

mere ḳhusiye maañg liye

logoñ ne mere māda-e-taulīd se

dīvāroñ par phuul banā liye

aur ibādat ke liye merā uzv

inhirāf ne mujhe kabhī qatār nahīñ banñe diyā

maiñ ne hamesha chiyūñTiyoñ ko gumrāh kiyā

ek din tañg aa kar

zindagī ne mujhe thuuk diyā

zindagi ne mujhe lakir par chalna sikhaya

main ne munharif hona sikh liya

us ki andam-e-nahani

sanp janne mein masruf rahi

aur wo unhen marne mein

wo bhi kya karti

raat bhar meri jagah izhdiham soya raha

apni bekari se tang aa kar

main apna uzw nila karne chala aaya

aisa karna jurm hai

magar kya kya jae

ek bhuk miTane ke liye dusri KHaridni paDti hai

adalat ne meri aazadi ke ewaz

mere KHusiye mang liye

logon ne mere mada-e-taulid se

diwaron par phul bana liye

aur ibaadat ke liye mera uzw

inhiraf ne mujhe kabhi qatar nahin banne diya

main ne hamesha chiyunTiyon ko gumrah kiya

ek din tang aa kar

zindagi ne mujhe thuk diya