tin manzar

tasavvur

shoḳhiyāñ muztar-nigāh-e-dīda-e-sarshār meñ

ishrateñ ḳhvābīda rañg-e-ġhāza-e-ruḳhsār meñ

surḳh hoñToñ par tabassum kī ziyā.eñ jis tarah

yāsman ke phuul Duube hoñ mai-e-gulnār meñ

sāmnā

chhantī huī nazroñ se jazbāt kī duniyā.eñ

be-ḳhvābiyāñ afsāne mahtāb tamannā.eñ

kuchh uljhī huī bāteñ kuchh bahke hue naġhme

kuchh ashk jo āñkhoñ se be-vaj.h chhalak jaa.eñ

ruḳhsat

fasurda ruḳh laboñ par ik niyāz aamez ḳhāmoshī

tabassum muzmahil thā marmarīñ hāthoñ meñ larzish thī

vo kaisī be-kasī thī terī pur-tamkīñ nigāhoñ meñ

vo kyā dukh thā tirī sahmī huī ḳhāmosh aahoñ meñ

tasawwur

shoKHiyan muztar-nigah-e-dida-e-sarshaar mein

ishraten KHwabida rang-e-ghaza-e-ruKHsar mein

surKH honTon par tabassum ki ziyaen jis tarah

yasman ke phul Dube hon mai-e-gulnar mein

samna

chhanti hui nazron se jazbaat ki duniyaen

be-KHwabiyan afsane mahtab tamannaen

kuchh uljhi hui baaten kuchh bahke hue naghme

kuchh ashk jo aankhon se be-wajh chhalak jaen

ruKHsat

fasurda ruKH labon par ek niyaz aamez KHamoshi

tabassum muzmahil tha marmarin hathon mein larzish thi

wo kaisi be-kasi thi teri pur-tamkin nigahon mein

wo kya dukh tha teri sahmi hui KHamosh aahon mein