tira-nasib

ġham kisī kohna-o-bosīda varaq par maujūd

sāl-hā-sāl se malfūz hikāyat kī tarah

vahī qissa vahī baat

ek darmāñda umiid

dil meñ uThtī huī dhaḌkan kī tarah

maslak-e-nān-e-javīñ

ranj-e-tannūr-e-shikam

ḳhvāhish-o-ḳhvāb meñ malfūf rasā.ī kā ġhubār

yā phir iflās kā ifrīt-e-junūñ be-pāyāñ

bhuuk aur shiddat-e-mahrūmī-e-derīna se

ek dil-soz tajassus ko liye tīra-nasīb

ek darmāñda umiid

zindagī haar ga.ī

havas-e-dām-o-diram zar-o-gauhar ke asiir

ḳhvāhish-o-ḳhvāb samajh hī na sake

ek mauhūm ḳhatā sarf-e-nazar ho na sakī

maut taqdīr huī

ġham safar kartā huā dar pe huā uftāda

vahī rūdād-e-qadīm

jahāñ qābīl kā rang

phail kar haibat-o-bad-shakl-o-siyah kahlāyā

kohna bosīda varaq

ahd-e-maujūd talak aan chalā

vahī qissa vahī baat

maslak-e-nān-e-javīñ

ranj-e-tannūr-e-shikam

ek darmāñda umiid

zindagī haar ga.ī

gham kisi kohna-o-bosida waraq par maujud

sal-ha-sal se malfuz hikayat ki tarah

wahi qissa wahi baat

ek darmanda umid

dil mein uThti hui dhaDkan ki tarah

maslak-e-nan-e-jawin

ranj-e-tannur-e-shikam

KHwahish-o-KHwab mein malfuf rasai ka ghubar

ya phir iflas ka ifrit-e-junun be-payan

bhuk aur shiddat-e-mahrumi-e-derina se

ek dil-soz tajassus ko liye tira-nasib

ek darmanda umid

zindagi haar gai

hawas-e-dam-o-diram zar-o-gauhar ke asir

KHwahish-o-KHwab samajh hi na sake

ek mauhum KHata sarf-e-nazar ho na saki

maut taqdir hui

gham safar karta hua dar pe hua uftada

wahi rudad-e-qadim

jahan qabil ka rang

phail kar haibat-o-bad-shakl-o-siyah kahlaya

kohna bosida waraq

ahd-e-maujud talak aan chala

wahi qissa wahi baat

maslak-e-nan-e-jawin

ranj-e-tannur-e-shikam

ek darmanda umid

zindagi haar gai