tilism-e-majaz

hāl-e-dil dil-navāz kyā jaane

naaz vaalā niyāz kyā jaane

pūchh rindoñ se rāz-e-sar-basta

sūfī-e-pāk-bāz kyā jaane

kis ko kahte haiñ dair kyā hai haram

āshiqī imtiyāz kyā jaane

zarre zarre pe sajda-rezī hai

terā vahshī namāz kyā jaane

mai-parastī meñ kaifiyat kyā hai

zāhid-e-haq-navāz kyā jaane

jo haqīqat se rū-shanās ho 'nūr'

vo tilism-e-majāz kyā jaane

haal-e-dil dil-nawaz kya jaane

naz wala niyaz kya jaane

puchh rindon se raaz-e-sar-basta

sufi-e-pak-baz kya jaane

kis ko kahte hain dair kya hai haram

aashiqi imtiyaz kya jaane

zarre zarre pe sajda-rezi hai

tera wahshi namaz kya jaane

mai-parasti mein kaifiyat kya hai

zahid-e-haq-nawaz kya jaane

jo haqiqat se ru-shanas ho 'nur'

wo tilism-e-majaz kya jaane