tishnagi

uTho hayāt pe ḳhanjar kī dhaar guzrī hai

lahū kī būñdeñ Tapaktī haiñ zaḳhmī rūhoñ se

siyāh raushnī meñ aur jaag uThī vahshat

lahū meñ ghul ga.ī talḳhī diloñ pe naqsh bane

ye saañs siine meñ ghaTtī huī mī lagtī hai

ye roz-o-shab kā tafakkur ye saarī umr kā ghun

hayāt uub ga.ī adl ke añdheroñ se

kahāñ tak adl kī zanjīr khīñchte jaa.eñ

sadā.eñ lauTtī haiñ bām-o-dar se Takrā kar

inān-e-mulk paḌī hai hinā.ī hāthoñ meñ

koī to haq kī kiran phūTe zulm kī shab meñ

nigāh-e-amn-o-amāñ tishna-bār hai ab tak

uTho hayat pe KHanjar ki dhaar guzri hai

lahu ki bunden Tapakti hain zaKHmi ruhon se

siyah raushni mein aur jag uThi wahshat

lahu mein ghul gai talKHi dilon pe naqsh bane

ye sans sine mein ghaTti hui mi lagti hai

ye roz-o-shab ka tafakkur ye sari umr ka ghun

hayat ub gai adl ke andheron se

kahan tak adl ki zanjir khinchte jaen

sadaen lauTti hain baam-o-dar se Takra kar

inan-e-mulk paDi hai hinai hathon mein

koi to haq ki kiran phuTe zulm ki shab mein

nigah-e-amn-o-aman tishna-bar hai ab tak