to kya

nikalte din ke dāman meñ gumāñ haiñ

ki ab is daur meñ be-kaifiyāñ haiñ

hameñ rakkhā hai vaqt-e-be-hunar meñ

sakūñ luuTā gayā is mustaqar meñ

utartī jā rahī hai raat ghar meñ

tirī yādoñ meñ Thahre din kahāñ haiñ

samundar kī

siyāhī se pare

ik jhilmilāhaT thī

ga.ī yādoñ kī aahaT thī

kisī ehsās kā unvāñ nahīñ thā

tilmilāhaT thī

tamannā ḳhud-kalāmī ke qarīne kī ridā oḌhe

laboñ kī kapkapāhaT thī

bichhḌā huā andāz huuñ merā kyā hai

TuuTā huā ik saaz huuñ merā kyā hai

vo gul huuñ ki jis meñ nahīñ ḳhushbū koī

miTī huī āvāz huuñ merā kyā hai

savāb ye hai

yahī ab hai

yahāñ manzar badalne kā hunar mil bhī gayā to kyā

dil-e-sad-chāk

ab sil bhī gayā

to kyā

nikalte din ke daman mein guman hain

ki ab is daur mein be-kaifiyan hain

hamein rakkha hai waqt-e-be-hunar mein

sakun luTa gaya is mustaqar mein

utarti ja rahi hai raat ghar mein

teri yaadon mein Thahre din kahan hain

samundar ki

siyahi se pare

ek jhilmilahaT thi

gai yaadon ki aahaT thi

kisi ehsas ka unwan nahin tha

tilmilahaT thi

tamanna KHud-kalami ke qarine ki rida oDhe

labon ki kapkapahaT thi

bichhDa hua andaz hun mera kya hai

TuTa hua ek saz hun mera kya hai

wo gul hun ki jis mein nahin KHushbu koi

miTi hui aawaz hun mera kya hai

sawab ye hai

yahi ab hai

yahan manzar badalne ka hunar mil bhi gaya to kya

dil-e-sad-chaak

ab sil bhi gaya

to kya