toffee-nama

aksar hamāre ḳhvāb meñ aatī haiñ toffiyāñ

khul jaa.e phir jo aañkh satātī haiñ toffiyāñ

taqrīb ghar meñ ho koī schōl kā ho jashn

mauqa mile to rañg jamātī haiñ toffiyāñ

khā.eñ maze maze se baḌe bhaa.ī jaan bhī

baajī bhī ḳhuub shauq se khātī haiñ toffiyāñ

abbā bhī le ke aate haiñ chīzeñ na.ī na.ī

ammī bhī market se to laatī haiñ toffiyāñ

billī ko ḳhvāb kyā nazar aatā hai kyā kahīñ

ham ko to ḳhvāb meñ nazar aatī haiñ toffiyāñ

madam hamārī achchhī haiñ schōl kī sabhī

achchhī haiñ sab se vo jo khilātī haiñ toffiyāñ

dekheñ jo toffiyāñ to vo hañste zarūr haiñ

bachchoñ ko rote rote hañsātī haiñ toffiyāñ

'ādil' haiñ ham bhī zā.iqe se un ke bā-ḳhabar

paanī hamāre muñh meñ bhī laatī haiñ toffiyāñ

aksar hamare KHwab mein aati hain toffiyan

khul jae phir jo aankh satati hain toffiyan

taqrib ghar mein ho koi school ka ho jashn

mauqa mile to rang jamati hain toffiyan

khaen maze maze se baDe bhai jaan bhi

baji bhi KHub shauq se khati hain toffiyan

abba bhi le ke aate hain chizen nai nai

ammi bhi market se to lati hain toffiyan

billi ko KHwab kya nazar aata hai kya kahin

hum ko to KHwab mein nazar aati hain toffiyan

madam hamari achchhi hain school ki sabhi

achchhi hain sab se wo jo khilati hain toffiyan

dekhen jo toffiyan to wo hanste zarur hain

bachchon ko rote rote hansati hain toffiyan

'adil' hain hum bhi zaiqe se un ke ba-KHabar

pani hamare munh mein bhi lati hain toffiyan