tum aur main

hayāt-o-maut tumhīñ se hai merī vābasta

kisī ke ishq-o-mohabbat ke aasrā tum ho

ġharīq-e-sail-e-mohabbat mujhe kiyā jis ne

safīna-e-dil-e-muztar ke nāḳhudā tum ho

nigah ko da.avat-e-nazzāra de ke chhup jaanā

sharīk-e-barq kī ik sharmgīñ adā tum ho

marīz-e-ishq ke sad-chāk qalb-e-bismil kī

umīd-o-bīm meñ Duubī huī duā maiñ huuñ

luTā ke rāh-e-mohabbat meñ kārvān-e-hayāt

har ek rahrav-e-manzil kī rahnumā maiñ huuñ

fazā-e-yās kī tārīkiyoñ meñ āvāra

sitam-rasīda kī ik āh-e-nā-rasā maiñ huuñ

hayat-o-maut tumhin se hai meri wabasta

kisi ke ishq-o-mohabbat ke aasra tum ho

ghariq-e-sail-e-mohabbat mujhe kiya jis ne

safina-e-dil-e-muztar ke naKHuda tum ho

nigah ko dawat-e-nazzara de ke chhup jaana

sharik-e-barq ki ek sharmgin ada tum ho

mariz-e-ishq ke sad-chaak qalb-e-bismil ki

umid-o-bim mein Dubi hui dua main hun

luTa ke rah-e-mohabbat mein karwan-e-hayat

har ek rahraw-e-manzil ki rahnuma main hun

faza-e-yas ki tarikiyon mein aawara

sitam-rasida ki ek aah-e-na-rasa main hun