tum kahan ho

ham tab bhī chaar hī the

magar tiin zarā baḌe the

aur chauthā bahut hī chhoTā

is liye ham tiin gine ga.e

maañ ne kahā thā

ye aapas meñ laḌte bahut haiñ

baap ne garmiyoñ ke mausam meñ

ThanDe farsh par

nange badan hameñ bhī saath biThāyā

aur hañs kar kahā

chahār darvesh qissa kyā hai

us ne hamārī aap kī chhoTī chhoTī

be-ma.anī shikāyateñ sunīñ

hameñ ittifāq kī barkateñ batā.īñ

talqīn kī

aur ham duniyā meñ masrūf ho ga.e

tab tak tum hamāre saath rahe

phir ham duniyā meñ kho.e zarūr

magar markaz kī jānib lauTte bhī rahe

isī liye juḌe rahe

lekin na jaane kyoñ

tum ne makka ke saath

madīna bhī chhoḌ diyā

jab baḌā darvesh rāhi-e-mulk-e-adam huā

aur ham tīnoñ saroñ ko joḌe

hum tab bhi chaar hi the

magar tin zara baDe the

aur chautha bahut hi chhoTa

is liye hum tin gine gae

man ne kaha tha

ye aapas mein laDte bahut hain

bap ne garmiyon ke mausam mein

ThanDe farsh par

nange badan hamein bhi sath biThaya

aur hans kar kaha

chahaar darwesh qissa kya hai

us ne hamari aap ki chhoTi chhoTi

be-mani shikayaten sunin

hamein ittifaq ki barkaten batain

talqin ki

aur hum duniya mein masruf ho gae

tab tak tum hamare sath rahe

phir hum duniya mein khoe zarur

magar markaz ki jaanib lauTte bhi rahe

isi liye juDe rahe

lekin na jaane kyon

tum ne makka ke sath

madina bhi chhoD diya

jab baDa darwesh rahi-e-mulk-e-adam hua

aur hum tinon saron ko joDe