tum

yaqīnan zamāne se mumtāz ho tum

gul-o-lāla ne tum se sīkhīñ adā.eñ

tumheñ dekh kar muskurā.eñ fazā.eñ

nasīm-o-sabā sab kī hamrāz ho tum

yaqīnan zamāne se mumtāz ho tum

ḳhudā ne tumheñ husn-o-ra.anā.ī baḳhshī

bahāroñ kī rangīñ dil-ārā.ī baḳhshī

dil-ārā.iyoñ kā hasīñ saaz ho tum

yaqīnan zamāne se mumtāz ho tum

bahar-gām hamdam ho tum ham-navā ho

mirī rif.atoñ meñ tumhī jā-ba-jā ho

tumhī merī monis ho dam-sāz ho tum

yaqīnan zamāne se mumtāz ho tum

musībat meñ bhī muskurātī rahī ho

mirī himmatoñ ko baḌhātī rahī ho

mirī kāmrānī kī ġhammāz ho tum

yaqīnan zamāne se mumtāz ho tum

tumheñ dekh kar ġhuncha-e-dil khile haiñ

tumhīñ se bahāroñ ke bhī silsile haiñ

chaman meñ tabassum kā āġhāz ho tum

yaqīnan zamāne se mumtāz ho tum

salāmat raheñ jab talak chāñd taare

salāmat raheñ nāz-o-ġhamza tumhāre

mohabbat kā chāhat kā e.ajāz ho tum

yaqīnan zamāne se mumtāz ho tum

yaqinan zamane se mumtaz ho tum

gul-o-lala ne tum se sikhin adaen

tumhein dekh kar muskuraen fazaen

nasim-o-saba sab ki hamraaz ho tum

yaqinan zamane se mumtaz ho tum

KHuda ne tumhein husn-o-ranai baKHshi

bahaaron ki rangin dil-arai baKHshi

dil-araiyon ka hasin saz ho tum

yaqinan zamane se mumtaz ho tum

bahar-gam hamdam ho tum ham-nawa ho

meri rifaton mein tumhi ja-ba-ja ho

tumhi meri monis ho dam-saz ho tum

yaqinan zamane se mumtaz ho tum

musibat mein bhi muskuraati rahi ho

meri himmaton ko baDhati rahi ho

meri kaamrani ki ghammaz ho tum

yaqinan zamane se mumtaz ho tum

tumhein dekh kar ghuncha-e-dil khile hain

tumhin se bahaaron ke bhi silsile hain

chaman mein tabassum ka aaghaz ho tum

yaqinan zamane se mumtaz ho tum

salamat rahen jab talak chand tare

salamat rahen naz-o-ghamza tumhaare

mohabbat ka chahat ka eajaz ho tum

yaqinan zamane se mumtaz ho tum