tumhaari yaad

kahāñ hai niiñd āñkhoñ meñ

paTaktī sar udāsī hai

sitam kī ḳhaak se lipTī

thakan hai bad-havāsī hai

mire aañsū bhigote haiñ

mirā takiya mirā bistar

tumhāre ba.ad se ab tak

ye merā haal hai bad-tar

chale ye nabz bhī maddham

tavāzun meñ nahīñ dhaḌkan

lage ye saañs bhī bhārī

kī ab duniyā lage bandhan

nahīñ ho saath tum mere

mujhe har pal lage sadiyāñ

baḌī mushkil se kaTtī haiñ

udāsī se bharī ghaḌiyāñ

samajh meñ ye nahīñ aatā

hai jis se janmoñ kā naata

vo jab yuuñ chhoḌ jaatā hai

to kitnā yaad aatā hai

kahan hai nind aankhon mein

paTakti sar udasi hai

sitam ki KHak se lipTi

thakan hai bad-hawasi hai

mere aansu bhigote hain

mera takiya mera bistar

tumhaare baad se ab tak

ye mera haal hai bad-tar

chale ye nabz bhi maddham

tawazun mein nahin dhaDkan

lage ye sans bhi bhaari

ki ab duniya lage bandhan

nahin ho sath tum mere

mujhe har pal lage sadiyan

baDi mushkil se kaTti hain

udasi se bhari ghaDiyan

samajh mein ye nahin aata

hai jis se janmon ka nata

wo jab yun chhoD jata hai

to kitna yaad aata hai