tumhein kya?

maiñ apnī zindagī kī note-bōk se kitnī rāteñ kitne din kāTūñ

ki ik ik raat meñ kitnī qayāmat-ḳhez rāteñ mujh pe TuuTī haiñ

aur ik ik din meñ kitne din haiñ jin meñ hashr barpā

hotā rahtā hai

aur aisī kitnī sadiyāñ is zamīñ par mujh pe biitī haiñ

maiñ har lamhe meñ sau sau baar martā aur jiitā huuñ

hisāb-e-be-gunāhī har nafas par detā rahtā huuñ

magar ye merā apnā mas.ala hai ek dam zaatī

tumheñ kyā aur kisī ko kyā jo mere saath sotī haiñ

main apni zindagi ki note-book se kitni raaten kitne din kaTun

ki ek ek raat mein kitni qayamat-KHez raaten mujh pe TuTi hain

aur ek ek din mein kitne din hain jin mein hashr barpa

hota rahta hai

aur aisi kitni sadiyan is zamin par mujh pe biti hain

main har lamhe mein sau sau bar marta aur jita hun

hisab-e-be-gunahi har nafas par deta rahta hun

magar ye mera apna masala hai ek dam zati

tumhein kya aur kisi ko kya jo mere sath soti hain